Babar Azam ODI Record: Babar left behind Virat Kohli and Viv Richards became the fastest player to score 5000 runs

Babar Azam becomes fastest to 5000 ODI Runs: बाबर आझम आता एकदिवसीय क्रिकेटमध्ये सर्वात जलद ५००० धावा पूर्ण करणारा फलंदाज ठरला आहे. हाशिम आमलाचा विक्रम मोडत बाबरने अवघ्या ९७ डावांत हे स्थान गाठले.

Pakistan's captain Babar Azam kneels down while celebrating after scoring a century (100 runs) during the first one-day international (ODI) cricket match between South Africa and Pakistan at SuperSport Park in Centurion on April 2, 2021. (Photo by PHILL MAGAKOE / AFP) (Photo by PHILL MAGAKOE/AFP via Getty Images)

Babar Azam becomes fastest to 5000 ODI Runs: पाकिस्तान क्रिकेट संघाचा कर्णधार बाबर आझमने आता एकदिवसीय क्रिकेटमध्ये आणखी एक मोठा विक्रम केला आहे. बाबर आता वन डेमध्ये सर्वात जलद ५ हजार धावा पूर्ण करणारा फलंदाज ठरला आहे. बाबरच्या आधी हा विक्रम दक्षिण आफ्रिकेचा माजी दिग्गज खेळाडू हाशिम अमलाच्या नावावर होता. अमलाने १०१ डावात वनडे फॉरमॅटमध्ये ५००० धावा पूर्ण केल्या.

बाबर आझमने घरच्या मैदानावर न्यूझीलंडविरुद्ध खेळल्या जात असलेल्या वनडे मालिकेतील चौथ्या सामन्यात हा विक्रम केला. एकदिवसीय सामन्यांमध्ये केवळ ९७ डावांमध्ये हे स्थान मिळवून बाबरने आता सर्व दिग्गजांना मागे टाकले आहे. बाबर आता या यादीत पहिल्या स्थानावर आहे, तर हाशिम आमला दुसऱ्या क्रमांकावर पोहोचला आहे. वेस्ट इंडिजचा माजी दिग्गज खेळाडू व्हिव्हियन रिचर्ड्सने एकदिवसीय क्रिकेटमधील ११४ डावांमध्ये ५००० धावा पूर्ण केल्या. या यादीत भारतीय संघाचा माजी कर्णधार विराट कोहलीही ११४ डावांसह चौथ्या स्थानावर आहे. ऑस्ट्रेलियाचा सलामीवीर डेव्हिड वॉर्नर आता या यादीत ११५ डावांसह पाचव्या क्रमांकावर पोहोचला आहे.

बाबर आझमने हे अप्रतिम केले

बाबर आझमने न्यूझीलंडविरुद्धच्या चौथ्या एकदिवसीय सामन्यात १९वी धावा पूर्ण करताच आंतरराष्ट्रीय एकदिवसीय क्रिकेटमधील ५००० धावा पूर्ण केल्या आहेत. एकदिवसीय क्रिकेटमध्ये सर्वात जलद ५००० धावा पूर्ण करणारा तो खेळाडू ठरला आहे. यासाठी त्याने ९७ डाव खेळले आहेत. एकदिवसीय क्रिकेटमध्ये सर्वात जलद ५००० धावा पूर्ण करण्याचा विक्रम दक्षिण आफ्रिकेच्या हाशिम अमलाच्या नावावर होता. त्याने १०१ डावात हा पराक्रम केला. त्याचबरोबर भारताच्या विराट कोहलीने यासाठी ११४ डाव खेळले. आता बाबरने या दोन्ही खेळाडूंना खूप मागे टाकले आहे.

पाकिस्तानने अनेक सामने जिंकले

बाबर आझमने २०१५ साली पाकिस्तानकडून वनडे क्रिकेटमध्ये पदार्पण केले. यानंतर त्याने आपल्या स्फोटक फलंदाजीने पाकिस्तानी संघाला अनेक सामने जिंकून दिले आहेत. त्याने पाकिस्तानसाठी ९८ एकदिवसीय सामन्यांमध्ये १७ शतकांसह ५००० धावा केल्या आहेत. याशिवाय त्याने २६ अर्धशतकेही केली आहेत. १५८ ही त्याची वनडे क्रिकेटमधील सर्वोत्तम धावसंख्या आहे.

Another record smashed by Babar Azam ? pic.twitter.com/JsMe2tsEXT
— ESPNcricinfo (@ESPNcricinfo) May 5, 2023

स्फोटक फलंदाज

बाबर आझमच्या आधी सईद अन्वरने १३८ डावात पाकिस्तानसाठी सर्वात जलद ५००० धावा पूर्ण केल्या. बाबर पाकिस्तानकडून तिन्ही फॉरमॅटमध्ये क्रिकेट खेळला आहे. केवळ त्याच्या फलंदाजीच्या जोरावर त्याची जगातील सर्वोत्तम खेळाडूंमध्ये गणना होते. कोणत्याही गोलंदाजीचा मुकाबला करण्याची क्षमता त्याच्यात आहे. त्याने पाकिस्तानसाठी ४७ कसोटी आणि १०४ टी२० सामने खेळले आहेत.

हेही वाचा: IPL 2023 RR vs GT: …पुन्हा ये रे माझ्या मागल्या! तब्बल सहा वेळा संधी तरीही रियान परागचा फ्लॉप शो सुरूच, सोशल मीडियावर झाला ट्रोल

एकदिवसीय क्रिकेटमध्ये सर्वात जलद ५००० धावा पूर्ण करणारे खेळाडू

1. बाबर आझम – ९७ डाव

2. हाशिम आमला – १०१ डाव

This quiz is AI-generated and for edutainment purposes only.

3. विराट कोहली – ११४ डाव

4. व्हिव्हियन रिचर्ड्स – ११४ डाव

5. डेव्हिड वॉर्नर – ११५ डाव

6. जो रूट – ११६ डाव

7. क्विंटन डी कॉक – ११६ डाव

First published on: 06-05-2023 at 15:54 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Babar azam became king broke world record with century three giants including virat kohli far behind avw

Babar Azam ODI Record: बाबर आझमचा वर्ल्ड रेकॉर्ड! विराट कोहलीसहित ‘या’ तीन दिग्गजांना टाकले मागे

बाबर आझमने हे अप्रतिम केले

पाकिस्तानने अनेक सामने जिंकले

स्फोटक फलंदाज

एकदिवसीय क्रिकेटमध्ये सर्वात जलद ५००० धावा पूर्ण करणारे खेळाडू