Babar Azam Record: बाबर आझमचा कसोटी क्रिकेटमध्ये नवीन विक्रम! विराट-स्मिथसहित सचिनलाही टाकले मागे, जाणून घ्या

कसोटी क्रिकेटमध्ये २० डाव खेळल्यानंतर बाबरची सरासरी ६९.१० आहे. यादरम्यान त्याने आठ अर्धशतके आणि चार शतके झळकावली आहेत. ऑस्ट्रेलियाचा माजी कर्णधार स्टीव्ह स्मिथ ३० डावात ५५.४०च्या सरासरीसह दुसऱ्या स्थानावर आहे. त्याने सहा अर्धशतके आणि चार शतके झळकावली आहेत. इंग्लंडचा अनुभवी फलंदाज जो रूट ३४ डावात ५४.२०च्या सरासरीने स्मिथच्या मागे आहे. रुटने क्रिकेटच्या प्रदीर्घ फॉरमॅटमध्ये सहा अर्धशतकं आणि सहा शतकं झळकावली होती.

हेही वाचा: Rohit Sharma: रोहितला कर्णधार व्हायचेच नव्हते? WTCच्या पराभवानंतर चर्चेला उधाण, काय आहे नेमकं प्रकरण? जाणून घ्या

श्रीलंकेचा अनुभवी फलंदाज अँजेलो मॅथ्यूज १६ डावात ४८.४०च्या सरासरीने चौथ्या क्रमांकावर आहे. मॅथ्यूजने मागील १६ डावांमध्ये दोन अर्धशतके आणि दोन शतके झळकावली आहेत. शेवटी, पाचव्या क्रमांकावर भारताचा महान फलंदाज विराट कोहली आहे, ज्याची २७ डावात ३४.६५ची फलंदाजी सरासरी आहे. यादरम्यान त्याने तीन अर्धशतके आणि एक शतक झळकावले आहे.

गेल्या महिन्यात पाकिस्तानचा दिग्गज फलंदाज बाबर आझमने त्याच्या भविष्याविषयी सांगितले होते. पाकिस्तानचा कर्णधार म्हणून विश्वचषक जिंकण्याची इच्छा असल्याचे त्याने सांगितले. विश्वचषक जिंकणाऱ्या संघाचा कर्णधार बनणे चांगलेच असेल, असे त्याने आयसीसीच्या व्हिडिओमध्ये म्हटले आहे. विश्वचषकावर लक्ष केंद्रित करून, बाबर कोलंबो स्ट्रायकर्ससाठी लंका प्रीमियर लीगमध्ये देखील सहभागी होणार आहे.

हेही वाचा: Rohit Sharma: रोहितच्या कसोटी कर्णधारपदावर टांगती तलवार, वेस्ट इंडिज दौऱ्यानंतर टीम इंडियाला मिळू शकते नवे नेतृत्व

कोलंबो स्ट्रायकर्सच्या प्रेस रिलीझनुसार, स्ट्रायकर्सने आधीच पाकिस्तानचा कर्णधार बाबर आझम, पाकिस्तानचा वेगवान गोलंदाज नसीम शाह आणि श्रीलंकेच्या टी२० स्टार मथिशा पाथिराना आणि चमिका करुणारत्ने यांना लंका प्रीमियर लीग २०२३ साठी त्यांच्या संघात स्थान दिले आहे. “कोणत्याही फ्रँचायझी क्रिकेट स्पर्धेसाठी लिलाव हा सर्वात महत्वाचा पैलू असतो. आम्ही आम्हाला आवश्यक असलेल्या खेळाडूंबद्दल बोललो आहोत. तसेच, निश्चितपणे स्पर्धेतील सर्वात मजबूत संघ तयार करण्याचा प्रयत्न करू,” असे बाबर आझमने कोलंबो येथील पत्रकार परिषदेत म्हटले आहे.