scorecardresearch

Premium

BAN vs NZ: टीम साऊदीने केला नवा विक्रम, कसोटी क्रिकेटमध्ये न्यूझीलंडकडून अशी कामगिरी करणारा ठरला तिसरा खेळाडू

Tim Southee record BAN vs NZ: बांगलादेशविरुद्धच्या पहिल्या कसोटी सामन्यात न्यूझीलंडचा गोलंदाज टीम साऊदीने मोठा विक्रम केला आहे. अशी कामगिरी करणारा न्यूझीलंडच्या तो तिसरा खेळाडू ठरला आहे. साऊदीने ६२ चेंडूत ३५ धावांची खेळी केली.

BAN vs NZ: Bowler Tim Southee made a special record with the bat joined this elite club
बांगलादेशविरुद्धच्या पहिल्या कसोटी सामन्यात न्यूझीलंडचा गोलंदाज टीम साऊदीने मोठा विक्रम केला आहे. सौजन्य- (ट्वीटर)

Tim Southee record BAN vs NZ: बांगलादेश विरुद्ध न्यूझीलंड यांच्यात सिल्हेट येथे सुरू असलेल्या कसोटी मालिकेत फलंदाजी करताना वेगवान गोलंदाज टीम साऊदीने आपल्या नावावर एक खास विक्रम नोंदवला आहे. न्यूझीलंडचा कर्णधार साऊदीने पहिल्या कसोटी सामन्यात २००० धावा पूर्ण केल्या आहेत. त्यानंतर तो एका खास खेळाडूंच्या यादीत सामील झाला आहे.

पहिल्या कसोटीत फलंदाजी करताना साऊदीने ६५ चेंडूत ३५ धावांची खेळी खेळली, ज्यात त्याने ३ चौकारही मारले. ही खेळी खेळताना त्याने त्याच्या २००० कसोटी धावा पूर्ण केल्या आहेत. साऊदीने आतापर्यंत एकूण ९५ कसोटी सामने खेळले आहेत, ज्यामध्ये त्याने १३५ डावांमध्ये ६ अर्धशतकांसह २०११ धावा केल्या आहेत. या कालावधीत त्याची सरासरी १६.२१ इतकी आहे. या डावात टीम साऊदीची सर्वोत्तम धावसंख्या ७७* नाबाद आहे. याशिवाय त्याने आतापर्यंत कसोटीत ३०० विकेट्स घेतल्या आहेत.

IND vs ENG 1st Test Match Updates in marathi
IND vs ENG : टीम इंडियाच्या फलंदाजांनी टॉम हार्टलीसमोर टेकले गुडघे, इंग्लंडचा भारतावर २८ धावांनी दणदणीत विजय
IND vs ENG 1st Test Match Updates in marathi
IND vs ENG 1st Test : “द्रविडने शुबमनबरोबर…”, गिलच्या खराब कामगिरीनंतर केविन पीटरसनने दिला महत्त्वाचा सल्ला
Pope and Bumrah Controversy in Ind vs ENG 1st Test Match
IND vs ENG : जसप्रीत बुमराहने ऑली पोपशी मुद्दाम पंगा घेतल्याने रोहितला करावी लागली मध्यस्थी, VIDEO होतोय व्हायरल
IND vs ENG 1st Test Match Updates in marathi
IND vs ENG : बेन स्टोक्सला क्लीन बोल्ड करत आर आश्विनने केला मोठा पराक्रम, कसोटीत क्रिकेटमध्ये नोंदवला खास विक्रम

हेही वाचा: T20 World Cup 2024: युगांडा क्रिकेट संघाने इतिहास रचला, २०२४च्या टी-२० विश्वचषकासाठी पहिल्यांदाच ठरला पात्र

अशी कामगिरी करणारा साऊदी हा तिसरा गोलंदाज ठरला आहे

कसोटी क्रिकेटमध्ये २००० धावा पूर्ण करणारा कर्णधार टीम साऊदी हा न्यूझीलंडचा तिसरा गोलंदाज ठरला आहे. त्याच्या आधी न्यूझीलंडचे दिग्गज रिचर्ड हॅडली आणि डॅनियल व्हिटोरी यांच्या नावावर हा विक्रम होता. हॅडलीने ८६ कसोटी सामन्यात ४३१ विकेट्स घेतल्या आहेत. त्याने किवी संघासाठी २७.१६च्या सरासरीने ३,१२४ धावा केल्या आहेत. या खेळीत त्याच्या २ शतके आणि १५ अर्धशतकांचा समावेश आहे.

हेही वाचा: IND vs SA: “असे कोणीही सांगितले नाही…”, आकाश चोप्राने रोहित-विराटच्या टी-२० खेळण्यावर केला प्रश्न उपस्थित

याशिवाय डॅनियल व्हिटोरीने ११३ कसोटी सामन्यात ३६२ विकेट्स घेत ३०.००च्या सरासरीने ४५३१ धावा केल्या आहेत. त्याने किवी संघासाठी सहा शतके आणि २३ अर्धशतके झळकावली आहेत. जर या सामन्याबद्दल बोलायचे झाले तर न्यूझीलंडने पहिल्या डावात ३१७ धावा केल्या होत्या. ज्यामध्ये केन विल्यमसनने आपले २९वे शतक झळकावले. त्याने २०५ चेंडूत ११ चौकारांच्या मदतीने १०४ धावांची खेळी केली. ग्लेन फिलिप्सने पहिल्या डावात न्यूझीलंडसाठी जबरदस्त गोलंदाजी केली. त्याने १६ षटकात ५३ धावा देत ४ विकेट्स घेतल्या.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ban vs nz tim southee created history for new zealand surprised world cricket by making such a record in test cricket avw

First published on: 30-11-2023 at 18:33 IST

संबंधित बातम्या

तुम्ही या बातम्या वाचल्या आहेत का? ×