scorecardresearch

Premium

Rahul Dravid: मोठी बातमी! राहुल द्रविडच पुन्हा टीम इंडियाचे मुख्य प्रशिक्षक, BCCIने वाढवला करार

Rahul Dravid Remain Head Coach of Team India: भारतीय क्रिकेट नियामक मंडळाने (बीसीसीआय) राहुल द्रविडला पुन्हा एकदा टीम इंडियाचा प्रशिक्षक बनवले आहे. २०२३च्या विश्वचषकानंतर त्यांचा कार्यकाळ संपला.

BCCI on Rahul Dravid Head Coach of Team India and Support Staff in Marathi
राहुल द्रविड यांच्या भारतीय क्रिकेट संघ मुख्य प्रशिक्षक करारात मुदतवाढ सौजन्य- बीसीसीआय (ट्वीटर)

Team India Head Coach and Support Staff Time Extended: बीसीसीआयने बुधवारी भारतीय क्रिकेट संघाचे मुख्य प्रशिक्षक राहुल द्रविड आणि टीम इंडियाच्या सपोर्ट स्टाफच्या कराराची मुदतवाढ जाहीर केली. नुकत्याच संपलेल्या आयसीसी पुरुष क्रिकेट विश्वचषक २०२३ नंतर त्यांचा करार संपला होता. यानंतर बीसीसीआयने द्रविडशी चर्चा करून कार्यकाळ वाढवण्यास सहमती दर्शवली. बीसीसीआयने मुख्य प्रशिक्षक आणि सपोर्ट स्टाफचा कार्यकाळ किती दिवसांसाठी वाढवला याची माहिती दिलेली नाही.

बीसीसीआयने त्यांच्या ट्वीटमध्ये म्हटले की, “भारतीय संघाच्या उभारणीत राहुल द्रविडने बजावलेली महत्त्वाची भूमिका बोर्ड ओळखते आणि त्याच्या शानदार कामगिरी आणि मेहनतीचे आम्ही सर्व परिचित आहोत. व्हीव्हीएस लक्ष्मण यांच्या एनसीएचे प्रमुख आणि स्टँड-इन हेड कोच या महत्त्वाच्या भूमिकेबद्दल बोर्ड त्यांचे कौतुक करते. त्यांच्या प्रसिद्ध ऑन-फिल्ड भागीदारीप्रमाणेच, द्रविड आणि लक्ष्मण यांनी भारतीय क्रिकेटला पुढे नेण्यासाठी एकत्र काम केले आहे.”

DY Patil T20 Cup 2024 Updates in marathi
Hardik Pandya : आयपीएलपूर्वी हार्दिक पंड्याचे क्रिकेटच्या मैदानात पुनरागमन, ‘या’ संघाचे करतोय नेतृत्त्व
Sarfaraz Khan's fans angry with Virender Sehwag's pos
IND vs ENG : जुरेलच्या शानदार खेळीनंतर वीरेंद्र सेहवागने मीडियाकडे ‘ही’ मागणी केल्याने सर्फराझचे चाहते संतापले
jay shah confirms rahul dravid to remain India s head coach till t20 world cup
ट्वेन्टी-२० विश्वचषकापर्यंत द्रविडच भारताचा प्रशिक्षक ; ‘बीसीसीआय’चे सचिव जय शहा यांचे वक्तव्य
Irfan Pathan Reply to Pakistan
U19 World Cup Final : भारताच्या पराभवानंतर इरफान पठाण पाकिस्तानवर का भडकला?

बीसीसीआयच्या प्रेस रिलीझमध्ये म्हटले आहे की, “नुकत्याच संपलेल्या एकदिवसीय विश्वचषक २०२३ नंतर त्यांचा मुख्य प्रशिक्षकाचा करार संपला होता. यानंतर बीसीसीआयने राहुल द्रविड यांच्याशी अर्थपूर्ण चर्चा केली आणि सर्वांच्या संमतीने करार वाढवण्याचा निर्णय घेण्यात आला.”

कार्यकाळ वाढवल्यावर द्रविड काय म्हणाला?

कार्यकाळ वाढवण्याबाबत द्रविड म्हणाला, “टीम इंडियाबरोबरची गेली दोन वर्षे संस्मरणीय राहिली आहेत. आम्ही एकत्र चढ-उतार पाहिले आहेत आणि या संपूर्ण प्रवासात संघात पाठिंबा आणि सौहार्द या दोन्ही गोष्टी होत्या. ड्रेसिंग रूममध्ये आम्ही निर्माण केलेल्या संस्कृतीचा मला खरोखर अभिमान आहे. आमच्या संघात असलेले कौशल्य आणि प्रतिभा वाखाणण्याजोगी आहे. माझ्यावर विश्वास ठेवल्याबद्दल आणि माझ्या कार्याला पाठिंबा दिल्याबद्दल मी बीसीसीआय आणि पदाधिकाऱ्यांचे आभार मानतो.”

हेही वाचा: Rahul Dravid: बीसीसीआयने द्रविड समोर ठेवला नवा पर्याय; म्हणाले, “टीम इंडियाचे प्रशिक्षक…”

रॉजर बिन्नी म्हणाले- ही परस्पर आदराची बाब आहे

द्रविडचा कार्यकाळ वाढवल्याबद्दल बीसीसीआयचे अध्यक्ष रॉजर बिन्नी म्हणाले, “राहुल द्रविडची दूरदृष्टी, मेहनत आणि दृढनिश्चय हे टीम इंडियाच्या यशाचे महत्त्वाचे आधारस्तंभ आहेत. भारतीय क्रिकेट संघाचे मुख्य प्रशिक्षक या नात्याने तुम्ही नेहमीच अग्निपरीक्षा दिल्या आहेत. तुम्ही मुख्य प्रशिक्षकपदाची ऑफर स्वीकारली याचा मला आनंद आहे. हा परस्पर आदराचा विषय आहे. तुमच्या नेतृत्वाखाली संघ यशाच्या शिखरावर पोहोचेल यात मला शंका नाही.”

हेही वाचा: Kapil Dev: “इतक्या अपेक्षा ठेवू नका की…”, विश्वचषक फायनलमधील टीम इंडियाच्या पराभवावर कपिल देव यांचे मोठे विधान

जय शहा यांनी द्रविडचे कौतुक केले

बीसीसीआयचे सचिव जय शाह म्हणाले, “मुख्य प्रशिक्षकपदाची जबाबदारी सांभाळण्यासाठी राहुल द्रविडपेक्षा चांगला कोणी असू शकत नाही, असे मी त्याच्या नियुक्तीच्या वेळी नमूद केले होते आणि त्याने आपल्या कामगिरीने स्वत:ला पुन्हा सिद्ध केले आहे. सर्व फॉरमॅट्समध्ये टीम इंडिया आता एक मजबूत संघ आहे. तिन्ही फॉरमॅटमधील आमची आयसीसीतील क्रमवारी ही त्याची दूरदृष्टी, मार्गदर्शन आणि संघासाठी तयार केलेला रोडमॅप थेट प्रतिबिंबित करते. संघाच्या वाढीसाठी योग्य व्यासपीठ तयार केल्याबद्दल मुख्य प्रशिक्षक द्रविड कौतुकास पात्र आहेत. मुख्य प्रशिक्षकाला आमचा पूर्ण पाठिंबा आहे. आंतरराष्ट्रीय स्तरावर सतत यश मिळवण्यासाठी आवश्यक असलेले सर्व समर्थन देण्यासाठी आम्ही नक्कीच मदत करू.”

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bcci extended the contract of rahul dravid will remain the head coach of team india avw

First published on: 29-11-2023 at 13:57 IST

संबंधित बातम्या

तुम्ही या बातम्या वाचल्या आहेत का? ×