Controversy arose due to Ravindra Jadeja’s LBW out : हैदराबाद कसोटीच्या तिसऱ्या दिवशी टीम इंडियाचा स्टार अष्टपैलू रवींद्र जडेजाचे चौथे कसोटी शतक हुकले. इंग्लंडचा क्रिकेटपटू जो रूटने रवींद्र जडेजाला शतक पूर्ण करू दिले नाही आणि ८७ धावांच्या वैयक्तिक धावसंख्येवर त्याला एलबीडब्ल्यू आऊट केले. हैदराबाद कसोटीच्या तिसऱ्या दिवशी स्टार अष्टपैलू रवींद्र जडेजा आपले चौथे कसोटी शतक पूर्ण करेल आणि टीम इंडिया ५०० धावांचा टप्पा ओलांडेल, अशी आशा भारतीय चाहत्यांना होती, परंतु दोन्हीपैकी एकही काम पूर्ण होऊ शकले नाही.

रवींद्र जडेजाच्या आऊट नॉटवरुन निर्माण झाला गोंधळ –

पहिल्या कसोटीच्या तिसऱ्या दिवशी पहिल्या सत्रात रवींद्र जडेजाला वादग्रस्तरित्या एलबीडब्ल्यू घोषित करण्यात आले. त्यानंतर पंचांच्या या निर्णयाने सोशल मीडियावर खळबळ उडाली आहे. रिप्लेमध्ये असे दिसून आले की, चेंडू पॅडला आदळण्यापूर्वी बॅटच्या पातळ काठावर आदळला होता, परंतु तिसऱ्या पंचाने पॅडचा विचार केला आणि रवींद्र जडेजाला वैयक्तिक ८७ धावांच्या खेळीनंतर पॅव्हेलियनमध्ये परतावे लागले. रवींद्र जडेजाचे चौथे कसोटी शतक अवघ्या १३ धावांनी हुकले. सोशल मीडियावर चाहते विचारत आहेत की रवींद्र जडेजा आऊट होता की नॉट आउट?

Michael Vaughan Claims Rohit Sharma to join CSK next year
IPL 2024 : ‘पुढच्या वर्षी रोहित चेन्नईकडून खेळताना दिसणार…’, इंग्लंडच्या माजी कर्णधाराचा मोठा दावा
IPL 2024 Chennai Punjab Kings vs Sunrisers Hyderabad Match Updates in Marathi
IPL 2024: हर्षल पटेलच्या गोलंदाजीवर सॅम करनने केली रिव्ह्यूची मागणी, करनच्या चतुराईमुळे असा बाद झाला राहुल त्रिपाठी; पाहा VIDEO
Mumbai Indians Vs Delhi Capitals Delhi Capitals Match Updates in Marathi
MI vs DC : रोहित शर्माने दिल्ली कॅपिटल्सविरुद्ध रचला इतिहास, ‘हा’ विक्रम करणारा विराट कोहलीनंतर ठरला दुसराच खेळाडू
Who is Angkrish Raghuvanshi
IPL 2024 : कोण आहे अंगक्रिश रघुवंशी? ज्याने सुनील नरेनच्या साथीने दिल्ली कॅपिटल्सच्या गोलंदाजांची केली धुलाई

भारताने पहिल्या डावात घेतली १९० धावांची आघाडी –

टीम इंडियाने पहिल्या डावात ४३६ धावा केल्या. पहिल्या डावाच्या जोरावर भारताने इंग्लंडविरुद्ध १९० धावांची आघाडी घेतली आहे. भारताकडून रवींद्र जडेजाने सर्वाधिक ८७ धावा केल्या. रवींद्र जडेजाशिवाय केएल राहुलने ८६ धावांची आणि यशस्वी जैस्वालने ८० धावांची खेळी खेळली. इंग्लंडकडून जो रूटने सर्वाधिक ४ विकेट्स घेतल्या आहेत. टॉम हार्टले आणि रेहान अहमदने २-२ विकेट्स घेतल्या. जॅक लीचने एक विकेट घेतली. तत्पूर्वी, भारताने पहिल्या डावात इंग्लंडला २४६ धावांत गुंडाळले होते.

हेही वाचा – IND vs ENG : इंग्लंडविरुद्ध भारताने पहिल्या डावाच्या जोरावर घेतली १९० धावांची आघाडी, राहुलनंतर जडेजाचेही हुकले शतक

पहिल्या डावात फलंदाजीला उतरतलेल्या कर्णधार रोहित शर्मा आणि यशस्वी जैस्वाल यांनी टीम इंडियाला चांगली सुरुवात करून दिली. या दोघांनी पहिल्या विकेटसाठी ८० धावा (७५ चेंडू) जोडल्या, त्यानंतर रोहित शर्मा (२४) तेराव्या षटकात जॅक लीचच्या चेंडूवर पॅव्हेलियनमध्ये परतला. त्यानंतर शतकाकडे वाटचाल करणारा यशस्वी जैस्वाल २४व्या षटकात जो रूटचा बळी ठरल्याने डाव काही काळ स्थिरावला होता. जैस्वालने वेगवान फलंदाजी करत ७४ चेंडूत १० चौकार आणि ३ षटकारांच्या मदतीने ८० धावा केल्या.