टी-२० विश्वचषकासाठी धोनी फायदेशीर ठरु शकतो – सुरेश रैना

“निवृत्ती कधी घ्यायची हा निर्णय फक्त धोनीच घेईल. धोनी अजुनही फिट आहे, तो सर्वोत्तम यष्टीरक्षक आहे. आजही तो सर्वोत्कृष्ट फिनीशर म्हणून ओळखला जातो. आगामी टी-२० विश्वचषकासाठी धोनी भारतीय संघासाठी फायदेशीर ठरु शकतो.” ‘द हिंदू’ वृत्तपत्राला दिलेल्या मुलाखतीत रैना बोलत होता.

अवश्य वाचा – टीम इंडियात चौथ्या क्रमांकाच्या जागेसाठी सुरेश रैनाही शर्यतीमध्ये

काही दिवसांपूर्वी धोनीने आपण नोव्हेंबर महिन्यापर्यंत सुट्टीवर जात असल्याचं जाहीर केलं होतं. मात्र सुत्रांनी दिलेल्या माहितीनुसार, विश्वचषकादरम्यान झालेल्या दुखापतीमुळे धोनी भारतीय संघात खेळत नाहीये. त्यामुळे आगामी काळात धोनीच्या भारतीय संघातील स्थानाबद्दल नेमका काय निर्णय घेतला जातोय हे पाहणं महत्वाचं ठरणार आहे.