T20 World Cup : इंग्लंडपुढं ‘मोठं’ संकट..! सेमीफायनलमध्ये संघ पोहोचला, पण…

क्रिकइन्फोच्या बातमीनुसार, टायमल मिल्सला मांडीला दुखापत झाली आहे. पुढील ४८ तासांत संघ त्याच्याबाबत निर्णय घेऊ शकतो. रिकी टॉप्ले, जेम्स विन्स आणि लियाम डॉसन हे राखीव खेळाडू आहेत. यापैकी एकाची संघात मिल्सऐवजी निवड होऊ शकते. मात्र, हा संघासाठी मोठा धक्का आहे. संघासाठी सर्वाधिक विकेट्स घेण्याच्या बाबतीत तो लेगस्पिनर आदिल रशीदसोबत संयुक्तपणे पहिल्या क्रमांकावर आहे. दोघांनी प्रत्येकी ७-७ विकेट घेतल्या आहेत.

हेही वाचा – “विराट भारताचा अपयशी कप्तान, त्याच्यात…”, पाकिस्तानचा माजी क्रिकेटपटू दानिश कनेरियाची जहरी टीका!

टायमल मिल्सला २०१७ नंतर इंग्लंड संघात स्थान मिळाले आहे. दुखापतीमुळे ते त्रस्त आहेत. या विश्वचषकापूर्वीही तो तीन महिन्यांनी दुखापतीतून पुनरागमन करत होता. त्याने बांगलादेशविरुद्ध २७ धावांत ३ आणि वेस्ट इंडिजविरुद्ध १७ धावांत २ बळी घेतले. त्याच्या दुखापतीमुळे डेथ ओव्हर्समध्ये संघाच्या गोलंदाजीवर परिणाम होईल. त्यांच्या जागी सॅम करन, मार्क वुड आणि डेव्हिड विली यांना प्लेइंग-११ मध्ये स्थान मिळू शकते.

मार्क वुडही दुखापतीमुळे हैराण झाला आहे. चालू विश्वचषकात तो आतापर्यंत एकही सामना खेळलेला नाही. न्यूझीलंडविरुद्धच्या दुसऱ्या सराव सामन्यात त्याला दुखापत झाली होती. त्याने शारजाहमध्ये संघासोबत सराव केला नाही. त्याचवेळी सॅम करनने सरावाच्या वेळी गोलंदाजी केली. इंग्लंड ११ वर्षांपासून टी-२० विश्वचषक विजेतेपदाची वाट पाहत आहे. या संघाने शेवटचे विजेतेपद २०१० मध्ये जिंकले होते. इयॉन मॉर्गनच्या नेतृत्वाखाली संघाने २०१९ मध्ये एकदिवसीय विश्वचषक जिंकला आहे.