scorecardresearch

Premium

IPL 2024 : ग्लेन मॅक्सवेलचे आयपीएलबद्दल मोठं वक्तव्य; म्हणाला, “मी जोपर्यंत चालण्यास…”

Glenn Maxwell’s reaction to IPL : ग्लेन मॅक्सवेल म्हणतो की, आयपीएलने त्याच्या कारकिर्दीत महत्त्वाची भूमिका बजावली आहे. त्याच्या कारकिर्दीतील ही शेवटची स्पर्धा असेल.

Glenn Maxwell's reaction to IPL
ग्लेन मॅक्सवेलचे आयपीएलबद्दल मोठं वक्तव्य (फोटो-पीटीआय)

Glenn Maxwell said IPL will be the last tournament of my career : आयपीएल २०२४ च्या हंगामासाठी खेळाडूंचा लिलाव १९ डिसेंबर रोजी दुबईत होणार आहे. ऑस्ट्रेलियाचा अष्टपैलू खेळाडू ग्लेन मॅक्सवेल अनेक वर्षांपासून आयपीएलमध्ये खेळत आहे. फ्रँचायझींनी त्याच्यावर करोडो रुपये खर्च केले आहेत. मॅक्सवेलही या लीगला खूप महत्त्व देतो. त्याच्या कारकिर्दीतील शेवटची स्पर्धा ही आयपीएल असेल, असे तो म्हणाला आहे. यासोबतच या खेळाडूने डेव्हिड वॉर्नर आणि मिचेल जॉन्सन यांच्यातील वादावरही आपले मत व्यक्त केले.

ग्लेन मॅक्सवेलबद्दल बोलायचे तर तो सध्या आयपीएलमध्ये रॉयल चॅलेंजर्स बंगलोरचा महत्त्वाचा खेळाडू आहे. मागील हंगामातही तो याच संघासोबत होता. यावेळीही तो आरसीबीसोबत आहे. गेल्या मोसमात अनेक सामन्यांमध्ये मॅक्सवेलची कामगिरी चांगली होती. त्यामुळे आगामी मोसमातही तो चमकदार कामगिरी करेल आणि संघाला विजेतेपद मिळवून देईल अशी आशा आहे.

Pooja bhatt birthday special hero Bollywood film industry journey
Pooja Bhatt: वडिलांशी लिपलॉक ते न्यूड फोटोशूट! अशी आहे बॉलिवूडच्या ‘बॉम्बे बेगम’ची गोष्ट
Alastair Cook praises Yashasvi Jaiswal double century
‘मी माझ्या कारकिर्दीत इतके षटकार मारले नाहीत, जितके यशस्वीने…’ इंग्लंडच्या माजी कर्णधाराकडून कौतुक
AB de Villiers on Anushka Sharma’s Pregnancy in Marathi
अनुष्काच्या प्रेग्नेंसीबाबतच्या ‘त्या’ विधानावरुन एबी डिव्हिलियर्सचा युटर्न, माफी मागत म्हणाला, “माझ्याकडून मोठी चुक…”
Video of Rohit's catch In IND vs ENG 2nd Test Match
IND vs ENG : अश्विनच्या चेंडूवर रोहित शर्माने घेतला पोपचा उत्कृष्ट झेल, फलंदाजही झाला चकीत, पाहा VIDEO

आयपीएलमुळे खूप काही शिकण्याची संधी मिळाली – ग्लेन मॅक्सवेल

ईएसपीएनशी बोलताना ग्लेन मॅक्सवेल म्हणाला, ‘आयपीएल ही माझ्या कारकिर्दीतील शेवटची स्पर्धा असेल. कारण मी जोपर्यंत चालण्यास सक्षम आहे, तोपर्यंत मी आयपीएल खेळणार आहे. माझ्या कारकिर्दीत ही लीग खूप महत्त्वाची ठरली आहे. मी येथे भेटलेल्या लोकांचा, मी ज्या प्रशिक्षकांसोबत काम केले, ज्या आंतरराष्ट्रीय खेळाडूंसोबत मी खेळलो त्यांचा मला खूप फायदा झाला.”

हेही वाचा – Team India : रवींद्र जडेजा आणि जसप्रीत बुमराहसह ‘या’ पाच भारतीय खेळाडूंचा आज वाढदिवस

ग्लेन मॅक्सवेल पुढे म्हणाला, “आयपीएलमध्ये तुम्ही एबी डिव्हिलियर्स आणि विराट कोहलीसारख्या खेळाडूंसोबत दोन महिने खेळता. त्यांच्याशी बोलण्याची संधी मिळते. कोणत्याही खेळाडूसाठी ही खूप मोठी शिकण्याची गोष्ट आहे. आशा आहे की आमच्या अनेक ऑस्ट्रेलियन खेळाडूंना आयपीएलमध्ये खेळण्याची संधी मिळेल.” ग्लेन मॅक्सवेलने नुकत्याच झालेल्या विश्वचषकात चमकदार कामगिरी करत संघाला चॅम्पियन बनवण्यात महत्त्वाची भूमिका बजावली होती. त्याने अफगाणिस्तानविरुद्धच्या सामन्यात द्विशतक झळकावले होते.

हेही वाचा – IND vs SA : दक्षिण आफ्रिकेविरुद्धच्या मालिकेतून दीपक चहर माघार घेणार? जाणून घ्या काय आहे कारण

डेव्हिड वॉर्नर चॅम्पियन खेळाडू राहिला – ग्लेन मॅक्सवेल

याच प्रसंगी मॅक्सवेलला डेव्हिड वॉर्नर आणि मिचेल जॉन्सन यांच्यात सुरू असलेल्या वादाबद्दलही विचारण्यात आले. मॅक्सवेल म्हणाला, “मला याबद्दल बोलून माझे नाव चर्चेत आणायचे नाही, पण डेव्हिड वॉर्नर नेहमीच चॅम्पियन खेळाडू राहिला आहे. तो बराच काळ ऑस्ट्रेलियासाठी क्रिकेट खेळला आहे आणि निवडकर्त्यांना माहित आहे की त्यांनी वॉर्नरची निवड का केली आहे. त्याला पाकिस्तानविरुद्धच्या पहिल्या कसोटीत खेळताना पाहण्यासाटी मी खूप उत्सुक आहे. मला आशा आहे की, तो या उन्हाळ्यात खूप धावा करेल.”

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Glenn maxwell said ipl will be the last tournament of my career because as long as i am able to walk i will play ipl vbm

First published on: 06-12-2023 at 12:48 IST

संबंधित बातम्या

तुम्ही या बातम्या वाचल्या आहेत का? ×