घटस्फोटांच्या चर्चांदरम्यान हार्दिकसाठी ‘या’ रशियन मॉडेलने शेअर केली खास पोस्ट, इन्स्टाग्रामवर फोटो व्हायरल

हेही वाचा – Champions Trophy: भारतीय संघ पाकिस्तान दौऱ्यावर जाणार नाही, BCCI ने ICC समोर मांडला नवा प्रस्ताव

भारताच्या टी-२० विश्वचषक विजयानंतर रशियन मॉडेल आणि बॉलिवूड अभिनेत्री अलिना टुटेजा हिने इंस्टाग्रामवर एक पोस्ट शेअर केली आहे. ज्यात तिने हार्दिक पंड्याबरोबरचे काही फोटो शेअर केली आहे. या दोघांनीही एका जाहिरातीच्या शूटसाठी हे फोटो काढले आहेत. इतकेच नाही तर अलिनाने हार्दिकसाठी खास कॅप्शनही दिले आहे.

अलिनाने या पोस्टच्या कॅप्शनमध्ये लिहिले की, ‘भारताला आपल्या चॅम्पियन्सचा खूप अभिमान वाटत आहे. या चॅम्पियन्सपैकी एका खेळाडूबरोबरचे काही फोटो शेअर करावेसे वाटले. संपूर्ण संघासह हार्दिक पंड्याचाही सर्वांना अभिमान आहे..’ या पोस्टवर भारतीय चाहते तिला हार्दिकची मैत्रिण म्हणू लागले. काहींनी हार्दिकबरोबर तिचे नावही जोडले. तर काही जण म्हणाले की हार्दिकबरोबरचा हा फोटो एडिट केलेला आहे. काही दिवसांनी ब्रायन लाराबरोबरही तिने फोटो शेअर केला आणि या फोटोच्या कॅप्शनमध्ये तिने म्हटले की, तिच्या कामामुळे तिला प्रसिद्ध लोकांना भेटण्याची संधी मिळते पण याचा अर्थ असा नाही की ती त्यांना डेट करत आहे.

हेही वाचा – कुलदीप यादव बॉलिवूड अभिनेत्रीशी लग्न करणार? वर्ल्डकप विजयानंतर स्वतःच केला खुलासा; म्हणाला…

हेही वाचा – Euro Cup: नेदरलँड्सला हरवत इंग्लंडचा सलग दुसऱ्यांदा अंतिम फेरीत प्रवेश

हार्दिकबरोबर फोटो पोस्ट करणारी रशियन मॉडेल आहे तरी कोण? (Who is Elena Tuteja)

अलिना हीएक रशियन मॉडेल आहे, तिचा जन्म मॉस्कोमध्ये झाला आहे. काही वर्षांपूर्वी ती दिल्लीत आली आणि यानंतर ती मुंबईत गेली. तिने मिसेस इंडिया या स्पर्धेत भाग घेत तिसरा क्रमांक पटकावला. अलिना ही टिव्हीवरील मालिका पार्टनर्स, सावधान इंडिया आणि बदतमीज दिल या टीव्ही मालिकांमध्ये दिसली आहे. तिने दिल नावाच्या चित्रपटातही काम केले आहे.