होबार्ट : इंग्लंडविरुद्ध होबार्ट येथे शुक्रवारपासून सुरू होणाऱ्या प्रकाशझोतातील पाचव्या अॅशेस कसोटी सामन्यात ऑस्ट्रेलियाच्या अंतिम संघातून मार्कस हॅरिसला वगळण्यात आले आहे, तर डेव्हिड वॉर्नरच्या साथीने उस्मान ख्वाजा सलामीला उतरेल. ख्वाजाने लक्षवेधी पुनरागमन करताना १३७ आणि नाबाद १०१ धावा काढल्यामुळे हॅरिसला संघातील स्थान टिकवता येणार नाही. दुखापतग्रस्त वेगवान गोलंदाज स्कॉट बोलंडला तंदुरुस्तीआधारे स्थान देण्यात येईल, असे ऑस्ट्रेलियाचा कर्णधार पॅट कमिन्सने स्पष्ट केले. त्यामुळे बोलंडच्या जागी झाय रिचर्डसन किंवा मायकल नेसर यांच्यापैकी एकाला संधी मिळू शकेल. * वेळ : सकाळी ९.३० वा. * थेट प्रक्षेपण : सोनी सिक्स, टेन ३