Vaibhav Suryavanshi: अंडर १९ सामना खेळण्यासाठी वैभव सूर्यवंशीला किती मानधन मिळतं?

भारतीय १९ वर्षांखालील संघाची जबाबदारी आयुष म्हात्रेकडे सोपवण्यात आली आहे. वैभव आयुष म्हात्रेच्या नेतृत्वाखाली खेळत आहे. युथ वनडे मालिकेत भारतीय संघाने ३-२ ने बाजी मारली आहे. वनडेनंतर आता कसोटी मालिकेतही त्याच्या फलंदाजीचा बोलबाला पाहायला मिळत आहे.

बीसीसीआयने निश्चित केलेल्या नियमानुसार, १९ वर्षांखालील खेळणाऱ्या खेळाडूंना मानधन म्हणून २०,००० दिले जातात. जो खेळाडू प्लेइंग ११ चा भाग आहे त्याला इतकं मानधन मिळतं. वैभव सूर्यवंशी भारतीय संघासाठी डावाची सुरुवात करत आहे.

आता दोन्ही संघांमध्ये ४ दिवसीय कसोटी मालिकेला सुरूवात झाली आहे. याआधी ५ युथ वनडे सामन्यांची मालिका पार पडली. यानुसार ५ सामन्यांचे त्याला १ लाख रुपये मिळाले. तर चार दिवसीय कसोटी सामन्याचे त्याला ८०,००० रुपये मिळतील. आता दुसऱ्या ४ दिवसीय कसोटी सामन्याला सुरुवात होणार आहे. त्यामुळे त्याला आणखी ८०,००० रूपये मानधन मिळेल. यानुसार दोन सामन्यांमध्ये ते १,६०,००० रुपये कमाई करेन.

वैभवने १९ वर्षांखालील संघात दमदार कामगिरी खेळी केली होती. या खेळीच्या बळावर त्याची आयपीएल स्पर्धेत निवड झाली. राजस्थान रॉयल्सने त्याला १.१० कोटींची बोली लावत आपल्या संघात स्थान दिलं. त्याने पदार्पणाच्या सामन्यात पहिल्याच चेंडूवर षटकार खेचला. त्यानंतर गुजरात टायटन्स संघाविरुद्ध झालेल्या सामन्यात त्याने ३५ चेंडूत सर्वात वेगवान शतक झळकावलं होतं. यासह तो सर्वात जलद शतक झळकावणारा सर्वात युवा फलंदाज ठरला होता. या खेळीसह त्याने युसूफ पठाणचा रेकॉर्ड मोडत सर्वात जलद शतक झळकावणाऱ्या भारतीय फलंदाजाचा रेकॉर्डही आपल्या नावावर केला होता.