scorecardresearch

Premium

IND vs SA: राहुल द्रविडने स्वीकारला प्रशिक्षकपदाचा पदभार, टीम इंडिया झाली दक्षिण आफ्रिकेला रवाना, पाहा Video

IND vs SA, Team India: टीम इंडिया दक्षिण आफ्रिका दौऱ्यासाठी रवाना झाली आहे. या दौऱ्यात भारतीय संघ आधी टी-२०, एकदिवसीय आणि त्यानंतर कसोटी मालिका खेळणार आहे. राहुल द्रविडही टीम इंडियाबरोबर दक्षिण आफ्रिकेला रवाना झाला.

IND vs SA: Rahul Dravid takes over as coach Team India leaves for South Africa Watch Video
टीम इंडिया दक्षिण आफ्रिका दौऱ्यासाठी रवाना झाली आहे. सौजन्य- (ट्वीटर)

India tour of South Africa 2023-24: भारतीय क्रिकेट संघ प्रशिक्षक राहुल द्रविडबरोबर दक्षिण आफ्रिकेला रवाना झाला आहे. द्रविडने टीम इंडियाचा पदभार स्वीकारला आहे. टीम इंडिया बुधवारी सकाळी बंगळुरू विमानतळावरून दक्षिण आफ्रिकेसाठी रवाना झाली. या दौऱ्याची सुरुवात तीन सामन्यांच्या टी-२० मालिकेने होईल, त्यातील पहिला सामना रविवार, १० डिसेंबर रोजी खेळवला जाईल.

भारताच्या दक्षिण आफ्रिका दौऱ्याची सुरुवात तीन सामन्यांच्या टी-२० मालिकेने होणार आहे. पहिला सामना १० डिसेंबरला डरबनमध्ये खेळवला जाईल. यानंतर तीन सामन्यांची एकदिवसीय मालिका आणि शेवटी दोन सामन्यांची कसोटी मालिका खेळवली जाईल. कर्णधार रोहित शर्माबरोबर विराट कोहलीही कसोटीत पुनरागमन करेन, त्याने वन डे आणि टी-२० मालिकेतून ब्रेक घेतला आहे. सूर्यकुमार यादव टी-२० मध्ये टीम इंडियाचा कर्णधार असेल आणि के.एल. राहुल वन डेमध्ये नेतृत्व करेल.

IND vs ENG 1st Test Updates in marathi
IND vs ENG 1st Test : जसप्रीत बुमराहने रोहित शर्माची चूक सुधारताच केले जबरदस्त सेलिब्रेशन, VIDEO होतोय व्हायरल
Video of umpire in Sindh Premier League goes viral
SPL 2024 : अंपायरने अपील न होताच फलंदाजाला केले बाद घोषित, पाकिस्तानमधील सामन्यातील VIDEO होतोय व्हायरल
Shoaib Bashir
पाकिस्तानी वंशाचा इंग्लंडचा फिरकीपटू शोएब बशीरला अखेर व्हिसा मंजूर
shoaib bashir
पाकिस्तानी वंशाचा इंग्लंडचा फिरकीपटू शोएब बशीर व्हिसाअभावी परतला मायदेशी; पदार्पण लांबणीवर

एकदिवसीय विश्वचषकानंतर राहुल द्रविडचा प्रशिक्षकपदाचा कार्यकाळ संपुष्टात आला होता, जो वाढवण्यात आला होता, जरी तारीख अद्याप जाहीर झाली नसली तरी जूनमध्ये होणाऱ्या विश्वचषकापर्यंत राहुल द्रविड प्रशिक्षकपदावर राहणार असल्याचे मानले जात आहे. ऑस्ट्रेलियाविरुद्ध नुकत्याच झालेल्या टी-२० मालिकेत व्हीव्हीएस लक्ष्मण प्रशिक्षक होते. पुन्हा एकदा प्रशिक्षकपदी नियुक्ती झाल्यानंतर द्रविडची ही पहिलीच मालिका आहे.

दीपक चाहर टी-२० मालिकेतून बाहेर होऊ शकतो

दक्षिण आफ्रिका दौऱ्यात मर्यादित षटकांच्या मालिकेत सहभागी असलेला वेगवान गोलंदाज दीपक चहरला टी-२० मालिका खेळणे कठीण जात आहे. वडिलांची तब्येत खराब असल्याने आणि रुग्णालयात दाखल असल्याने तो टीम इंडियासोबत जाऊ शकला नाही. दीपक चहर यांनीही सांगितले आहे की तो पूर्णपणे बरा होईपर्यंत वडिलांना सोडणार नाही.

हेही वाचा: IPL 2024: कोण आहे मल्लिका सागर? आयपीएल लिलावात साकारणार लिलावकर्त्याची भूमिका, जाणून घ्या

दक्षिण आफ्रिका दौऱ्यासाठी भारतीय संघ (टी-२०, एकदिवसीय आणि कसोटी मालिकेसाठी)

टी-२०साठी भारतीय संघ: यशस्वी जैस्वाल, शुबमन गिल, ऋतुराज गायकवाड, तिलक वर्मा, सूर्यकुमार यादव (कर्णधार), रिंकू सिंग, श्रेयस अय्यर, इशान किशन (यष्टीरक्षक), जितेश शर्मा (यष्टीरक्षक), रवींद्र जडेजा (अष्टपैलू), वाशिंगटन सुंदर, रवी बिश्नोई, कुलदीप यादव, अर्शदीप सिंग, मोहम्मद सिराज, मुकेश कुमार, दीपक चहर.

एकदिवसीयसाठी भारतीय संघ २०२३: ऋतुराज गायकवाड, साई सुदर्शन, तिलक वर्मा, रजत पाटीदार, रिंकू सिंग, श्रेयस अय्यर, के.एल. राहुल (कर्णधार), संजू सॅमसन (यष्टीरक्षक), अक्षर पटेल, वॉशिंग्टन सुंदर, कुलदीप यादव, युजवेंद्र चहल, आवेश खान, अर्शदीप सिंग, दीपक चाहर.

हेही वाचा: दक्षिण आफ्रिका दौऱ्यापूर्वी संजू सॅमसनने केली दावेदारी पक्की, विजय हजारे ट्रॉफीत झळकावले शानदार शतक

कसोटीसाठी भारतीय संघ २०२३: रोहित शर्मा (कर्णधार), शुबमन गिल, यशस्वी जैस्वाल, विराट कोहली, श्रेयस अय्यर, ऋतुराज गायकवाड, इशान किशन (यष्टीरक्षक), के.एल. राहुल (यष्टीरक्षक), रविचंद्रन अश्विन, रवींद्र जडेजा, मोहम्मद सिराज, शार्दुल ठाकूर , मुकेश कुमार, मोहम्मद शमी, जसप्रीत बुमराह (उपकर्णधार), प्रसिध कृष्णा.

भारताचा दक्षिण आफ्रिका दौरा

तारीखसामनास्थळ
१० डिसेंबरपहिला टी-२० सामनाडरबन
१२ डिसेंबरदुसरा टी-२० सामनाजीक्यूबेरा
१४ डिसेंबरतिसरा टी-२० सामनाजोहान्सबर्ग
१७ डिसेंबरपहिला एकदिवसीय सामनाजोहान्सबर्ग
१९ डिसेंबरदुसरा एकदिवसीय सामनाजीक्यूबेरा
२१ डिसेंबरतिसरा एकदिवसीय सामनापार्ल
२६-३० डिसेंबरपहिली कसोटीसेंचुरियन
३-७ जानेवारी (२०२४)दुसरी कसोटीकेपटाऊन

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind tour of sa team india leaves for south africa with rahul dravid see video avw

First published on: 06-12-2023 at 11:28 IST

संबंधित बातम्या

तुम्ही या बातम्या वाचल्या आहेत का? ×