IND vs AUS: live सामन्यादरम्यान विराटने स्टॉयनिसला जाणूनबुजून धक्का दिला? Video पाहा अन् तुम्हीच ठरवा

विराट कोहली आणि मार्कस स्टॉयनिस यांच्यात झाली शाब्दिक चकमक

खरं तर, भारतीय डावाच्या २१व्या षटकात ऑस्ट्रेलियाचा मार्कस स्टॉयनिस क्रिजच्या दिशेने जात असताना विराट कोहली आणि त्याची टक्कर झाली. यानंतर स्टॉयनिस दुसऱ्या दिशेने पाहू लागला आणि कोहलीने त्याच्याकडे रोखून पाहिले. दोघांमध्ये शीतयुद्ध पाहायला मिळाले. आयपीएलमध्ये कोहली आणि स्टॉयनिस एकाच संघाकडून (RCB) खेळले आहेत.

याआधी ऑस्ट्रेलियाच्या डावातही दोन भारतीय खेळाडूंमध्ये चकमक झाली होती. खरे तर तिसऱ्या वनडेतील पहिल्या डावात कुलदीप यादव ३९व्या षटकात गोलंदाजी करत होता. अ‍ॅश्टन अ‍ॅगरविरुद्ध अपील भारतीय संघाने अपील केले, पण पंचांनी नॉट आऊट दिले. यानंतर कुलदीपने कर्णधार रोहितला डिसिजन रिव्ह्यू सिस्टम (डीआरएस) घेण्यास राजी केले. रोहितने हसत डीआरएस घेतला.

रोहित आणि कुलदीपही भांडताना दिसले

मात्र, यानंतर अचानक रोहितचे चेहऱ्यावरील हावभाव बदलले आणि तो संतापला आणि कुलदीपला काहीतरी बोलताना दिसला. मात्र, तो कुलदीपला कशासाठी बोलत होता, हे समजू शकलेले नाही. मीडिया रिपोर्ट्सनुसार, अ‍ॅगरचा निर्णय थर्ड अंपायरनेही बदलला नाही, याचा अर्थ अ‍ॅगर नाबाद राहिला. चुकीचा अंदाज वर्तवत कुलदीपने रिव्ह्यूसाठी रोहितकडे हट्ट धरला आणि त्याचा राग त्याला आल्याचा अंदाज वर्तवला जात आहे. रोहितचा हा व्हिडिओही सोशल मीडियावर चांगलाच व्हायरल होत आहे.

सामन्याबद्दल बोलायचे झाले तर, ऑस्ट्रेलियाच्या खालच्या फळीतील फलंदाजांचे आभार मानत त्याने ४९ षटकात २६९ धावा केल्या. प्रत्युत्तरादाखल, अ‍ॅडम झॅम्पाच्या (४/४५) घातक गोलंदाजीमुळे भारतीय संघ ४९.१ षटकांत २४८ धावांवर गारद झाला. क्रिकेटच्या तिन्ही फॉरमॅटमध्ये २६ मायदेशात मालिका जिंकल्यानंतर टीम इंडियाचा हा पहिला पराभव आहे. तिन्ही वनडेत १९४ धावा करणारा मिचेल मार्श मालिकावीर ठरला. त्याचवेळी, अ‍ॅडम झॅम्पाला तिसऱ्या एकदिवसीय सामन्यात सामनावीराचा पुरस्कार देण्यात आला.