scorecardresearch

IND vs ENG Edgbaston Test : भारताविरुद्ध जेम्स अँडरसनचे शतक! घरच्या मैदानावर केली कामगिरी

गिलला बाद केल्यानंतर जेम्सने एक खास विक्रम आपल्या नावावर केला.

James Anderson
फोटो सौजन्य – ट्वीटर

England vs India 5th Test : भारत आणि इंग्लंड यांच्यादरम्यान आजपासून (१ जुलै) कसोटी सामना सुरू झाला आहे. पाच सामन्यांच्या मालिकेतील शेवटचा आणि निर्णायक सामना बर्मिंगहॅममधील एजबस्टन क्रिकेट स्टेडियमवरती होत आहे. इंग्लंडने नाणेफेक जिंकून प्रथम गोलंदाजी करण्याचा निर्णय घेतला. जेम्स अँडरसनने हा निर्णय योग्य ठरवला आहे. वेगवान गोलंदाज जेम्स अँडरसनने सातव्या षटकात शुबमन गिलला आणि त्यानंतर चेतेश्वर पुजाराला बाद केले. गिलला बाद केल्यानंतर जेम्सने एक खास विक्रम आपल्या नावावर केला. त्याचे इंग्लंडमध्ये भारताविरुद्ध १०० कसोटी बळी पूर्ण झाले.

जेम्स अँडरसरनला इंग्लंडच्या कसोटी गोलंदाजीचा कणा समजले जाते. त्याने देखील वेळोवेळी आपल्या लौकिकाला साजेसा खेळ करून संघाची मदत केलेली आहे. सध्या सुरू असलेल्या कसोटी सामन्यात त्याने पहिला बळी घेताच मायदेशात भारताविरुद्ध १०० बळींचा टप्पा ओलांडला. अशी कामगिरी करणारा तो इंग्लंडचा पहिला गोलंदाज ठरला. अँडरसनच्या या विक्रमाच्या आसपास एकही गोलंदाज नाही.

मालिका विजयाच्या दृष्टीने अतिशय महत्त्वाच्या असलेल्या कसोटी सामन्यात भारताची सुरुवात चांगली झाली नाही. भारताने ४६ धावांत दोन बळी गमावले. शुबमन गिलच्या रुपात पहिला तर पुजाराच्या रुपात भारताला दुसरा झटका बसला.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs eng edgbaston test james anderson completed 100 test wickets against india in england vkk