scorecardresearch

Premium

IND vs NZ: “…सबका बदला लेगा तेरा चिकू”; माहीच्या नावाचं पोस्टर व्हायरल होताच, चाहत्यांना झाली धोनीच्या रनआऊटची आठवण

Cricket World Cup 2023, IND vs NZ: भारतीय संघ २००३ पासून आयसीसी स्पर्धेत न्यूझीलंडविरुद्ध जिंकलेला नव्हता. न्यूझीलंडने २०१९च्या विश्वचषकात भारताचा पराभव करुन त्यांना बाहेर काढले होते.

Cricket World Cup 2023, IND vs NZ Match Updates in marathi
भारत-न्यूझीलंड सामन्यातील व्हायरल पोस्टर (फोटो-लोकसत्ता ग्राफिक्स टीम)

India vs New Zealand ICC Cricket World Cup 2023 Match Updates: एकदिवसीय विश्वचषक २०२३ मध्ये भारत आणि न्यूझीलंड यांच्यातील सामना सर्वात मोठा सामना मानला जात होता. पण टीम इंडियाने या सामन्यात आतापर्यंत हार्दिक पांड्याशिवाय दमदार कामगिरी केली आहे. एकेकाळी न्यूझीलंडचा संघ ३०० च्या वर धावा करताना दिसत होता. मात्र, भारतीय गोलंदाजांनी जोरदार पुनरागमन करत किवी संघाला २७३ धावांवर रोखले. मोहम्मद शमीने पाच विकेट्स घेतल्या. यानंतर रोहित शर्माने पुन्हा वेगवान सुरुवात करत ४० चेंडूत ४६ धावा केल्या आणि भारतीय संघाला दमदार सुरुवात करुन दिली. त्यानंतर विराट कोहलीने ९५ धावांची खेळी करुन टीम इंडियाला विजय मिळवून दिला.अशा प्रकारे भारतीय संघाने २० वर्षानंतर न्यूझीलंडवर ४ गडी राखून ऐतिहासिक विजय नोंदवला.दरम्यान, स्टँडमधील एका भारतीय चाहत्याचा फोटो व्हायरल झाला आहे, जो टीम इंडियाला खास पोस्टरसह चीअर करत होता.

या चाहत्याने जे पोस्टर हातात धरले होते, त्यावर ‘गँग्स ऑफ वासेपूर’ या प्रसिद्ध चित्रपटातील डायलॉग लिहिलेला होता, मात्र हा संवाद क्रिकेटच्या भाषेत लिहिला होता. त्या डायलॉगचे शब्द होते, “बाप का, दादा का, माही भाई के रनआऊट का सबका बदला लेगा तेरा चिकू.” मात्र, त्यात चिकू असे लिहिले नाव विराट कोहलीचे आहे. अनेकदा एमएस धोनीही त्याला चिकू म्हणत असे. त्यामुळे प्रेक्षकांना २०१९ च्या विश्वचषक उपांत्य फेरीतील पराभवाची आठवण झाली. एमएस धोनीच्या रनआउटच्या आठवणीतील हा पोस्टर सोशल मीडियावर प्रचंड व्हायरल होत आहे. विराट कोहलीने बदला घेत भारतीय संघाला विजय मिळवून दिला.

England vs India match preview,
मायदेशातील वर्चस्व राखण्याची संधी! फिरकीला अनुकूल खेळपट्टीवर भारत इंग्लंड चौथी कसोटी आजपासून
Rohit Sharma taunts Jadeja Video Viral
IND vs ENG : नो बॉलवरून रोहित शर्माचा जडेजाला टोमणा, लाईव्ह सामन्यात म्हणाला “अरे यार आयपीएलमध्ये तर…”
virat kohli
इंग्लंडविरुद्धच्या उर्वरित कसोटी सामन्यांसाठी भारतीय संघाची घोषणा; आकाश दीपला संधी
The team selection for the remaining matches india against England test match continues
श्रेयसच्या निवडीचा मुद्दा ऐरणीवर; इंग्लंडविरुद्धच्या उर्वरित सामन्यांसाठी संघनिवडीची प्रतीक्षा कायम

पोस्टर सोशल मीडियावर व्हायरल –

या चाहत्याचा हा मजेशीर पोस्टर सोशल मीडियावर मोठ्या प्रमाणात व्हायरल होत आहे. २०१९ च्या विश्वचषक स्पर्धेतील रनआउट चाहत्यांच्या हृदयात जिवंत आहे. जेव्हा टीम इंडियाचे नशीब एमएस धोनीच्या रनआऊटने बदलले होते. भारताने २० वर्षांपासून आयसीसी स्पर्धेत न्यूझीलंडला हरवले नव्हते. त्यामुळे यावेळी टीम इंडिया किवी संघासोबतचा जुना बदला घेईल, अशी आशा सर्व चाहत्यांना होती आणि आता विराट कोहलीने चाहत्यांचे स्वप्न पूर्ण केले आहे.

हेही वाचा – IND vs NZ: रोहित शर्माने मोडला एबी डिव्हिलियर्सचा विक्रम, विश्वचषकात सर्वाधिक षटकार मारणारा ठरला दुसरा फलंदाज

२० वर्षांपासून न्यूझीलंडविरुद्ध आयसीसी स्पर्धेत भारताला होती विजयाची प्रतीक्षेत –

टीम इंडियाला गेल्या २० वर्षांपासून न्यूझीलंडविरुद्ध आयसीसी स्पर्धेत सामना जिंकता आलेला नाही. २००३ च्या विश्वचषक स्पर्धेत भारताने न्यूझीलंडचा शेवटचा पराभव केला होता. त्यावेळी सौरव गांगुलीच्या नेतृत्वाखाली भारताने ७ विकेटने विजयी मिळवला होता. यानंतर न्यूझीलंडने टी-२० विश्वचषक २००७ आणि टी-२० विश्वचषक २०१६ सह एकदिवसीय विश्वचषक २०१९ च्या उपांत्य फेरीत भारताचा पराभव केला. आयसीसी वर्ल्ड टेस्ट चॅम्पियनशिप २०२१ आणि टी-२० वर्ल्ड कप २०२१ च्या अंतिम फेरीत भारताचा न्यूझीलंडकडून पराभव झाला होता. मात्र आज भारतीय संघाने एक नवा इतिहास रचला आहे.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs nz match updates virat kohlis revenge for ms dhonis run out in 2019 against new zealand goes viral vbm

First published on: 22-10-2023 at 21:42 IST

संबंधित बातम्या

तुम्ही या बातम्या वाचल्या आहेत का? ×