IND vs SA: Captain Rohit Sharma sets a new record! Mahi left behind avw 92 | Loksatta

IND vs SA:  कर्णधार रोहित शर्माने रचला नवा विक्रम! माहीला टाकले मागे

दक्षिण आफ्रिका विरुद्धच्या टी२० मालिकेतील पहिल्या विजयामुळे भारताचा कर्णधार रोहित शर्मा याने माजी कर्णधार एमएस धोनी याचा मोठा विक्रम मोडला आहे.

IND vs SA:  कर्णधार रोहित शर्माने रचला नवा विक्रम! माहीला टाकले मागे
संग्रहित छायाचित्र (इंडियन एक्सप्रेस)

IND vs SA:  भेदक गोलंदाजी आणि जबरदस्त फलंदाजीच्या जोरावर भारतानं पहिल्या टी२० सामन्यात दक्षिण आफ्रिकेचा आठ गडी राखून पराभव केला. या विजयासह भारतानं तीन सामन्यांच्या टी२० मालिकेत १-० नं आघाडी घेतलीय. टी२० मालिकेतील या विजयामुळे भारताचा कर्णधार रोहित शर्मा याने माजी कर्णधार एमएस धोनी याचा मोठा विक्रम मोडला आहे.

विराट कोहलीला जे जमलं नाही ते रोहित शर्माने करून दाखवले. तो भारताचा टी२० प्रकारातील सर्वात यशस्वी कर्णधार ठरत आहे. त्याने मागील अनेक मालिकांमध्ये भारताला विजय मिळवून दिले आहेत. अशातच दक्षिण आफ्रिकेविरुद्धचा विजय त्याच्यासाठी खास ठरला आहे. एकाच वर्षात सर्वाधिक आंतरराष्ट्रीय टी२० सामने जिंकणारा भारतीय कर्णधार हा विक्रम रोहितने आपल्या नावावर केला आहे. हा विक्रम करताना त्याने भारताचा माजी कर्णधार महेंद्रसिंग धोनी याला मागे टाकले आहे. धोनी आता एका वर्षात सर्वाधिक आंतरराष्ट्रीय टी२० सामने जिंकणारा भारतीय कर्णधार या यादीत दुसऱ्या स्थानावर घसरला आहे.

हेही वाचा   :  IND vs SA: टी२० क्रमवारीत सुर्यकुमार यादवचे प्रमोशन, रोहित-विराटचे एक पाऊल पुढे 

कोहली पायउतार झाल्यानंतर भारतीय कर्णधार म्हणून रोहितने जबाबदारी स्वीकारली. कर्णधारपदाची जबाबदारी स्वीकारल्यानंतर २०२२ मधील १६वा आंतरराष्ट्रीय टी२० विजय ठरला आहे. याआधी हा विक्रम धोनीच्या नावावर होता. धोनीने २०१६ मध्ये भारतीय कर्णधार म्हणून १५ आंतरराष्ट्रीय टी२० सामने जिंकले होते. त्यावर्षी टी२० विश्वचषक खेळला गेला. तसेच यावर्षीही टी२० विश्वचषक खेळला जाणार आहे, मात्र यावर्षी आशिया चषकामध्ये भारताने टी२० सामने खेळले आहेत. ज्यामध्ये चार सामन्यांत भारताचे नेतृत्व रोहितने केले.

हेही वाचा   :  Ind vs SA: अर्धशतक एक विक्रम अनेक… सूर्यकुमारच्या नावे झाले दोन अनोखे विक्रम; पाकच्या रिझवानला मागे टाकत ठरला Sixer King 

दक्षिण आफ्रिकेविरुद्ध पहिल्या टी२० सामन्यात नाणेपेक जिंकून रोहित शर्मानं प्रथम गोलंदाजीचा निर्णय घेतला होता. त्यानंतर फलंदाजी करण्यासाठी मैदानात आलेल्या दक्षिण आफ्रिकेच्या संघानं २० षटकात ८ गडी गमावून १०६ धावा केल्या. भारताकडून अर्शदीप सिंहनं सर्वाधिक तीन बळी घेतले. तर, दीपक चाहर आणि हर्षल पटेलने प्रत्येकी दोन- दोन गडी बाद केले. तर, अक्षर पटेलला एक बळी मिळाला. भारताकडून सूर्यकुमार यादव आणि केएल राहुलनं अर्धशतकी खेळी केली.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
IND vs SA: टी२० क्रमवारीत सुर्यकुमार यादवचे प्रमोशन, रोहित-विराटचे एक पाऊल पुढे

संबंधित बातम्या

६,६,६,६,६,६,६ … एका ओव्हरमध्ये ७ षटकार मारत ऋतुराज गायकवाडने रचला नवा वर्ल्ड रेकॉर्ड; पाहा व्हिडीओ
Video: हार्दिक पांड्याच्या पार्टीत धोनीचा जलवा; डान्स पाहून पांड्याच्या बायकोची ‘ती’ कमेंट चर्चेत
Fifa World Cup 2022: मेस्सी-रोनाल्डोचे संघ होणार बाहेर? विश्वचषकाचे फसले गणित, जाणून घ्या समीकरण
आशिष नेहराची मोठी भविष्यवाणी; ‘हा’ युवा फलंदाज भारतीय संघाचा कायमस्वरूपी सलामीवीर होऊ शकतो
जेलमधल्या सहा महिन्यांच्या मुक्कामात नवज्योत सिंह सिद्धूचं वजन ३४ किलोंनी घटलं; कशामुळे ते वाचा…

व्हिडिओ

ताज्या बातम्या
IFFI च्या ज्युरी प्रमुखांनी ‘द कश्मीर फाइल्स’ चित्रपटाला म्हटलं ‘वल्गर’ आणि ‘प्रोपगंडा’; अनुपम खेर यांनी दिलं उत्तर, म्हणाले “असत्याची…”
अ‍ॅपलकडून ट्विटर अ‍ॅप हटवण्याची धमकी, एलॉन मस्क यांचा गंभीर आरोप
Viral Video: शिक्षकाने भरवर्गात मुस्लीम विद्यार्थ्याला ‘दहशतवादी’ म्हणून मारली हाक, विद्यार्थी संतापताच म्हणाले “मी तर…”
विश्लेषण: कापसाला गेल्‍या वर्षीइतके दर मिळतील का?
“चीनप्रमाणे मुंबई-महाराष्ट्रातही…”; करोनादरम्यान राज्यात ‘ठाकरे सरकार’ सत्तेवर असल्याची आठवण करुन देत सेनेचा शिंदे गट, भाजपावर हल्लाबोल