गौतम गंभीरने सूर्यकुमारसाठी ट्विट केल्याने संतापले चाहते IND vs SL T20 Gautam Gambhir's tweet for Suryakumar yadav angers fans Said This was not expected from you

Gautam Gambhir Tweet: राजकोटमध्ये सूर्यकुमार यादवच्या शतकानंतर गौतम गंभीरने त्याला कसोटी संघात संधी देण्याची चर्चा केली. त्याच्या या ट्विटवर भारतीय क्रिकेट चाहते संतप्त झाले आणि त्यांनी माजी भारतीय खेळाडूला फटकारले.

सूर्यकुमार यादव (फोटो-ट्विटर)

शनिवारी श्रीलंकेविरुद्धच्या तिसर्‍या टी-२० सामन्यात भारताने ९१ धावांनी मोठा विजय मिळवला. या सामन्यात भारतीय संघासाठी शतकवीर सूर्यकुमार यादवने महत्त्वपूर्ण योगदान दिले. या खेळीच्या जोरावर भारताला २२८ धावांपर्यंत मजल मारता आली. सूर्याची शतकी खेळी पाहिल्यानंतर सगळेच त्याचे कौतुक करत होते. अशात माजी खेळाडूने गौतम गंभीरने एक ट्विट केले, ज्यामुळे चाहते त्याच्यावर संतापले.

सूर्याने ५१ चेंडूत ९ षटकार आणि ७ चौकारांच्या मदतीने नाबाद ११२ धावांची खेळी केली. त्याचबरोबर त्याने आपल्या टी-20 कारकिर्दीतील तिसरे शतक झळकावले. यानंतर भारतीय संघाने शानदार विजय मिळवला. तसेच तीन सामन्यांची टी-२० मालिका २-१ ने जिंकली. दरम्यान माजी खेळाडूने गौतम गंभीरने सूर्याचे कौतुक करताना एक ट्विट केले. ज्यामुळे चाहते त्याच्यावर नाराज झाले.

गौतम गंभीरने ट्विट केले की, ‘किती शानदार खेळी आहे सूर्यकुमार यादव! त्याला कसोटी क्रिकेटमध्ये उतरवण्याची वेळ आली आहे!

What a knock @surya_14kumar! Time to put him in test cricket! #SKYscraper pic.twitter.com/tvvoRTXEwp
— Gautam Gambhir (@GautamGambhir) January 7, 2023

गौतम गंभीरच्या या ट्विटवर भारतीय क्रिकेटप्रेमी संतप्त झाले आहेत. खरे तर, देशांतर्गत क्रिकेटमध्ये सातत्यपूर्ण कामगिरी करणाऱ्या खेळाडूपुढे मर्यादित षटकांच्या क्रिकेटमध्ये कामगिरी करणाऱ्या खेळाडूला कसोटी संघात संधी का द्यायची, असा युक्तिवाद चाहत्यांनी केला. येथे काही चाहत्यांनी सरफराज खानचे उदाहरण दिले, जो गेल्या काही काळापासून रणजी ट्रॉफीमध्ये चमकदार कामगिरी करत आहे, तरीही त्याला अद्याप कसोटी संघात स्थान मिळालेले नाही.

Expected better from you Gauti. Why does he make the team team? What about those who have been scoring runs in Ranji cricket. Sarfaraz for example? Not setting the right example if you pick someone based on white ball form for a completely different game
— Arup Ghose (@arup_ghose) January 7, 2023

एका चाहत्याने ट्विट केले की, ‘गौती तुमच्याकडून चांगली अपेक्षा होती. तुम्ही असा संघ का बनवता? रणजी क्रिकेटमध्ये धावा करणाऱ्यांचे काय. उदाहरण सरफराज? पांढऱ्या चेंडूच्या फॉर्मच्या आधारे पूर्णपणे वेगळ्या खेळासाठी एखाद्या खेळाडूची निवड झाली, तर ते योग्य उदाहरण ठरणार नाही.

On what basis? Is playing well in t20 is a criteria for test selection?? Then guys like sarfaraz are toiling in ranji for what?! All players need not to be in all formats. Let him be t20 specialist.
— shyam sundar (@shyamsundar21) January 7, 2023

त्याचवेळी एका चाहत्याने लिहिले, ”कशाच्या आधारावर? टी-२० मध्ये चांगले खेळणे हा कसोटी निवडीचा निकष आहे का? मग सरफराजसारखे लोक रणजीमध्ये का मेहनत घेत आहेत? सर्व खेळाडू सर्वच फॉरमॅटमध्ये असण्याची गरज नाही. त्याला टी-२० स्पेशालिस्ट होऊ द्या.

हेही वाचा – IND vs SL 3rd T20: जमिनीवर पडत सूर्याने लगावला खणखणीत षटकार, चाहतेदेखील झाले अवाक, पाहा VIDEO

Why You Are Not Talking About Sarfaraz And other Ranji Players You Already Have Vihari
Please Don't Want Him In Tests And Also Not In ODIs
— Alfaz Dodiya (@alfaz_dodiya) January 7, 2023

First published on: 08-01-2023 at 11:29 IST

IND vs SL T20: गौतम गंभीरने सूर्यकुमारसाठी ट्विट केल्याने संतापले चाहते; म्हणाले, तुझ्याकडून ‘हे’ अपेक्षित नव्हते