चॅम्पियन्स चॅलेंज-१ हॉकी स्पर्धेत भारतीय महिलांच्या पराभवाची मालिका सुरूच आहे. गुरुवारी झालेल्या लढतीत बेल्जियमने भारताचा ५-० असा धुव्वा उडवला. गटातील शेवटच्या साखळी लढतीत भारतासमोर तुलनेने युवा बेल्जियमच्या संघाचे आव्हान होते. आधीच्या सामन्यातील दारुण पराभव बाजूला सारत तीन गुण पटकावण्याची भारताला संधी होती, मात्र बेल्जियमच्या ऊर्जेपुढे भारतीय संघ निष्प्रभ ठरला. प्रशिक्षक नील हॉगुड यांच्या सूचनेनुसार भारतीय संघाने चांगला खेळ करण्याचा प्रयत्न केला, मात्र तो अपुराच ठरला.