scorecardresearch

Premium

IPL 2024: चेन्नईच्या चाहत्यांसाठी मोठी बातमी, धोनीने आगामी आयपीएलमध्ये खेळण्याबाबत केले सूचक विधान

MS Dhoni on CSK: महेंद्रसिंग धोनी पुढील वर्षी होणाऱ्या आयपीएल २०२४मध्ये खेळणार की नाही यावर सूचक विधान केले आहे. त्याच्या या विधानाने चेन्नई सुपर किंग्सच्या चाहत्यांची धाकधूक वाढली आहे.

IPL 2024: Big news for Chennai fans Dhoni makes a statement about playing in the upcoming IPL
महेंद्रसिंग धोनी पुढील वर्षी होणाऱ्या आयपीएल २०२४मध्ये खेळणार की नाही यावर सूचक विधान केले आहे. सौजन्य- (ट्वीटर)

MS Dhoni on Chennai Super Kings: भारतीय संघाचा माजी कर्णधार महेंद्रसिंग धोनीने आयपीएलमध्ये आतापर्यंत चमकदार कामगिरी केली आहे. त्याने चेन्नई सुपर किंग्सचे कर्णधारपद सांभाळत नेतृत्व कसे असावे, याचे उत्तम उदाहरण दिले आहे. २०२३ साली चेन्नई सुपर किंग्जला त्याच्या नेतृत्वाखाली चॅम्पियन बनवल्यानंतर महेंद्रसिंग धोनी पुन्हा एकदा आयपीएलमध्ये आपली शानदार खेळी करण्यासाठी सज्ज झाला आहे. महेंद्रसिंग धोनी आयपीएल २०२४ मध्ये चेन्नईकडून खेळताना दिसणार आहे. धोनीच्या नेतृत्वाखाली चेन्नईचा संघ आपली सर्वोत्तम कामगिरी करू इच्छितो. मात्र, त्याने लिलावापूर्वी खेळण्याबाबत सूचक वक्तव्य केले आहे.

महेंद्रसिंग धोनी आयपीएलमध्ये खेळणार?

यावर्षी धोनी आयपीएलमध्ये खेळणार का? याआधीही महेंद्रसिंग धोनीच्या जगभरातील चाहत्यांच्या मनात हाच प्रश्न पुन्हा पुन्हा निर्माण होत होता. महेंद्रसिंग धोनी आयपीएल २०२४ खेळण्यासाठी योग्य आहे का? त्यामुळे चेन्नई सुपर किंग्जचे सीईओ काशी विश्वनाथ यांनी महेंद्रसिंग धोनीबाबत चर्चा करत सूचक भाष्य केले आहे. ते म्हणाला की, “महेंद्रसिंग धोनी पूर्णपणे तंदुरुस्त आहे आणि आयपीएल २०२४ खेळण्यासाठी तयार आहे.” यावर धोनीने म्हटले आहे की, “मी सध्या माझ्या तंदुरुस्तीवर लक्ष्य केंद्रित करत आहे. माझी गुडघ्याची दुखापत सध्या बरी असून मी जिममध्ये घाम गाळत आहे.” सीएसकेचे सीईओ म्हणाले, “ही मोठी बाब आहे.”

Sunil Gavaskar Big Statement About Virat Kohli
Virat Kohli : ‘…तो आयपीएलही खेळणार नाही’, किंग कोहलीबद्दल सुनील गावसकरांचं मोठं वक्तव्य
KL Rahul IPL 2024 Shoot Video Viral
VIDEO : ‘हे कोण लिहितंय…’, आयपीएल शूटमध्ये केएल राहुलचा संयम सुटला, स्क्रिप्टवरुन कर्मचाऱ्यावर संतापला
Shahrukh Khan Qatar PM
“मोदींनी नव्हे, कतारमधील भारतीयांना शाहरुखने सोडवलं”, भाजपा नेत्याचा दावा; किंग खानच्या कार्यालयाने केला खुलासा
MS Dhoni jersey number
“त्या दिवशी आई-वडिलांनी…”, धोनीने सांगितलं ७ नंबरची जर्सी का निवडली? चाहत्यांकडून ‘Thala for a reason’चा ट्रेंड

हेही वाचा: Rahul Dravid Coach: राहुल द्रविडला टीम इंडियाचा पुन्हा प्रशिक्षक करण्यामागे काय आहे कारण? जाणून घ्या

चेन्नई सुपर किंग्जचे सीईओ काशी विश्वनाथ यांच्या मते, धोनी आयपीएलचा संपूर्ण आगामी हंगाम खेळणार आहे. त्याने स्वतः आयपीएल २०२३च्या शेवटी पुष्टी केली होती की, त्याला पुढील वर्षी आयपीएल खेळायचे आहे. धोनीने त्याच्या चाहत्यांसाठी २०२४ मध्ये आयपीएल खेळणार असल्याचे सांगितले होते. धोनीने आतापर्यंत चेन्नई सुपर किंग्जसाठी अप्रतिम कामगिरी केली आहे. आयपीएल २०२४ हा धोनीचा शेवटचा हंगाम असू शकतो. अशा परिस्थितीत त्याला या हंगामातही संघासाठी चांगली कामगिरी करायची आहे.

चेन्नई सुपर किंग्सने जुन्या खेळाडूंवर व्यक्त केला विश्वास  

आयपीएल २०२४च्या लिलावापूर्वी चेन्नई सुपर किंग्ज संघाने आपल्या जुन्या खेळाडूंवर विश्वास व्यक्त केला आहे. चेन्नई संघाने बहुतांश खेळाडूंना कायम ठेवण्याचे काम केले आहे. त्यांनी काही खेळाडूंना सोडले देखील असून त्यात बेन स्टोक्सचा समावेश आहे. तो स्वतः आयपीएलपासून दूर गेला आहे.

हेही वाचा: IPL 2024: पंड्या मुंबई इंडियन्समध्ये परतल्याने बुमराह नाराज आहे का? भारताच्या माजी कर्णधाराने केले मोठे विधान

महेंद्रसिंग धोनीची ही आयपीएल कारकीर्द आहे

२०१९ साली महेंद्रसिंग धोनीने आंतरराष्ट्रीय क्रिकेटमधून निवृत्ती घेतली आहे. मात्र, तो अजूनही आयपीएलमध्ये खेळत आहे. महेंद्रसिंग धोनी आयपीएलमध्ये चेन्नई सुपर किंग्जचे प्रतिनिधित्व करतो. महेंद्रसिंग धोनीच्या नेतृत्वाखाली चेन्नई सुपर किंग्जने आतापर्यंत ५ वेळा आयपीएल ट्रॉफी जिंकली आहे. जर धोनीच्या आयपीएल कारकिर्दीवर नजर टाकली तर या खेळाडूने २५० सामने खेळले आहेत. चेन्नई सुपर किंग्ज व्यतिरिक्त महेंद्रसिंग धोनी रायझिंग पुणे सुपरजायंट्सकडून खेळला आहे. आयपीएल २०२३मध्ये महेंद्रसिंग धोनीने १३५.९२च्या स्ट्राईक रेटने आणि ३८.७९च्या सरासरीने धावा केल्या आहेत. महेंद्रसिंग धोनीची आयपीएलमधील सर्वोत्तम धावसंख्या ८७ धावा आहे. याशिवाय महेंद्रसिंग धोनीने आयपीएलमध्ये २४ वेळा अर्धशतक ठोकले होते.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ipl 2024 big news for csk fans important update regarding dhoni knows whether he will play or not avw

First published on: 30-11-2023 at 15:37 IST

संबंधित बातम्या

तुम्ही या बातम्या वाचल्या आहेत का? ×