IPL 2025 Retention Chennai Super Kings Team Players: पाच वेळचा आयपीएल चॅम्पियन चेन्नई सुपर किंग्स संघामध्ये अनेक स्टार आणि दिग्गज खेळाडू आहेत. तर नवे युवा खेळाडू काही कमी नाहीत. त्यामुळे संघ कोणत्या खेळाडूंना रिटेन करणार याची उत्सुकता फारच होती. पण चेन्नई सुपर किंग्स संघाने रिटेंशनच्या डेडलाईनपूर्वी एक दिवस आधी एक क्रिप्टिक पोस्ट शेअर केली. या पोस्टमध्ये सीएसकेने काही इमोजी टाकत एक कोडं टाकलं ज्यामध्ये जणू काही रिटेन केलेल्या खेळाडूंची नाव लपली होती. या कोड्यावरून संघ कोणत्या खेळाडूंना रिटेन करणार याचा चाहत्यांनी अंदाज लावला.
चेन्नई सुपर किंग्सने पाच ते सहा खेळाडूंची नाव त्यात लपली आहेत अशी एक पोस्ट शेअर केली. ज्यात हेलिकॉप्टर, किवी, तलवारी, सिंह असे अनेक इमोजी होते. त्यावरून चाहत्यांनी योग्य निकष लावल्याप्रमाणे संघाने ऋतुराज गायकवाड, रवींद्र जडेजा, मथिशा पाथिराना, एमएस धोनी आणि शिवम दुबे यांना रिटेन करण्यात आले आहे. याक ऋतुराज आणि जडेजाला सर्वाधिक १८ कोटी रिटेंशन किंमत आहे तर आता धोनी अनकॅप्ड म्हणून खेळणार असून त्याला ४ कोटी किंमत आहे.
याचबरोबर संघात अनेक किवी खेळाडू होते. किवी खेळाडूंचा आयपीएल संघ म्हटलं तर काही वावगं ठरणार नाही. रचिन रवींद्र, मिचेल सँटनर, डॅरिल मिचेल आणि डेव्हॉन कॉन्वे हे किवी खेळाडू आहेत. पण चेन्नईने एकाही किवी खेळाडूला रिटेन केलेलं नाही.
CSK Retained Players: रिटेन केलेले खेळाडू
ऋतुराज गायकवाड – १८ कोटी
रवींद्र जडेजा – १८ कोटी
महेंद्रसिंग धोनी – ४ कोटी
मथिशा पथिराणा – १३ कोटी
शिवम दुबे – १२ कोटी
रिलीज केलेले खेळाडू
अरावेली अवनीश, अजिंक्य रहाणे, शाईक रशीद, समीर रिझवी, डेव्हॉन कॉनवे, मोईन अली, राजवर्धन हंगारगेकर, अजय मोंडल, डॅरेल मिचेल, मिचेल सँटनर, निशांत सिंधू, दीपक चहर, तुषार देशपांडे, रिचर्ड ग्लीसन, मुकेश चौधरी, मुस्ताफिझूर रहमान, सिमरजीत सिंग, प्रशांत सोळंकी, महीश तीक्षणा
