IPL 2024 Lucknow Super Giants vs Chennai Super Kings Highlights : लखनऊ सुपर जायंट्सने चेन्नई सुपर किंग्जचा एकतर्फी ८ गडी राखून पराभव केला. प्रथम खेळताना, सीएसकेने रवींद्र जडेजाच्या ५७ धावांच्या अर्धशतकी खेळीमुळे आणि शेवटी एमएस धोनीच्या २८ धावांच्या वादळी इनिंगमुळे १७६ धावा केल्या होत्या. प्रत्युत्तरात लक्ष्याचा पाठलाग करण्यासाठी उतरलेल्या एलएसजी संघाने सुरुवातीपासूनच आपले वर्चस्व कायम राखले. लखनऊचे दोन्ही सलामीवीर केएल राहुल (८२) आणि क्विंटन डी कॉक (५४) यांनी अर्धशतके झळकावली. या दोघांच्या १३४ धावांच्या भागीदारीच्या जोरावर लखनऊने एक षटक शिल्लक असताना दोन गड्यांच्या मोबदल्यात १८० धावा करून विजय मिळवला.
