आयपीएल २०२२ आणि पुढील हंगामासाठी होणाऱ्या मेगा ऑक्शनचे सर्वांना वेध लागले आहे. फ्रेंचायझी कोणत्या संघांना ठेवणार आणि कोणाला संघाबाहेर करणार याकडे सर्वांचे लक्ष लागले आहे. अशातच अष्टपैलू क्रिकेटपटू हार्दिक पंड्याबाबत महत्त्वाची माहिती समोर आली आहे. मुंबई इंडियन्सकडून आयपीएल लिलावात हार्दिकला संघाबाहेर केले जाणार आहे. पाच वेळा विजेतेपद पटकावलेल्या मुंबई इंडियन्सने संघात ठेवणाऱ्या खेळाडूंची यादी तयार केली आहे. लखनऊ आणि अहमदाबादच्या आगमनानंतर आयपीएलच्या पुढील हंगामात १० संघ मैदानात उतरतील. या वर्षी डिसेंबरमध्ये मेगा लिलाव होणार आहे. यामध्ये मुंबई इंडियन्सकडून हार्दिकला कायम ठेवण्याची शक्यता कमी आहे.

खेळाडूंना कायम ठेवण्याशी संबंधित एका वरिष्ठ आयपीएल अधिकाऱ्याने वृत्तसंस्था पीटीआयला सांगितले, ”मला वाटते की बीसीसीआयकडे राईट-टू-मॅच (RTM) फॉर्म्युलाचा अधिकार असेल. जर RTM नसेल तर ४ खेळाडूंना कायम ठेवण्याची परवानगी दिली जाऊ शकते. रोहित शर्मा आणि भारताचा वेगवान गोलंदाज जसप्रीत बुमराह ही मुंबईची पहिली पसंती असेल. कायरन पोलार्ड संघाची तिसरी पसंती असेल.” कामगिरीतील सातत्य हे या संघाचे बलस्थान आहे, ज्यामध्ये तिघेही त्यांचे आधारस्तंभ आहेत. मुंबईचा संघ आयपीएल २०२१ मध्ये प्लेऑफमध्ये पोहोचू शकला नाही.

Rishabh Pant's Reaction on Rahul Goenka Controversy
Rishabh Pant : राहुल-गोयंकांच्या वादावादीच्या व्हिडीओवर ऋषभ पंतचं भाष्य; म्हणाला, “मलाही अनेकदा…”
BCCI Got Fake Head Coach Applications named Narendra Modi Tendulkar dhoni
नरेंद्र मोदी, सचिन तेंडुलकर, अमित शाह यांच्या नावाने भारताच्या मुख्य प्रशिक्षक पदासाठी अर्ज, वाचा काय घडलं
Rinku Singh Statement on IPL Salary
IPL 2024: ५५ लाख रुपयांच्या मानधनावरुन रिंकू सिंग म्हणाला
Riyan Parag Youtube History Video Viral
VIDEO: ‘अनन्या पांडे हॉट, सारा अली खान…’, रियान परागची युट्युब सर्च हिस्ट्री Viral, नेमकं काय घडलं?
russell dances with ananya pandey on SRK Lut put gay song
लुट पुट गया…आंद्रे रसेल आणि अनन्या पांडेचा डान्स करतानाचा व्हीडिओ व्हायरल,कोच चंद्रकांत पंडितही थिरकले
KKR 3rd time IPL champions
IPL 2025 : मोठ्या लिलावापूर्वी कोलाकाता संघ कोणत्या चार खेळाडूंना ‘रिटेन’ करु शकतो? जाणून घ्या
These five uncapped players will likely be seen playing for Team India
Team India : अभिषेक-रियानसह ‘हे’ पाच खेळाडू लवकरच भारतासाठी खेळताना दिसणार, पाहा कोणत्या दौऱ्यात मिळणार संधी?
Mitchell Starc Statement on Retirement after KKR Wins Title of IPL 2024
KKR चा संघ चॅम्पियन ठरल्यानंतर दिग्गज खेळाडूचे निवृत्तीचे संकेत, मोठा निर्णय घेत म्हणाला…
Sachin Tendulkar congratulates the Kolkata team
KKR vs SRH : सचिन तेंडुलकरने केकेआर संघाच्या विजेतेपदाचे श्रेय कोणाला दिले? म्हणाला, “त्यांच्या…”

हेही वाचा – सौरव गांगुलीचा राजीनामा..! IPLमधील नव्या संघामुळं घेतला ‘मोठा’ निर्णय

“सध्याच्या परिस्थितीत हार्दिकला संघात कायम ठेवण्याची शक्यता १० टक्क्यांपेक्षा कमी आहे. होय, तो टी-२० विश्वचषकाच्या पुढील काही सामन्यांमध्ये इतरांपेक्षा चांगली कामगिरी करू शकतो, परंतु तरीही संघात त्याच्यासाठी शक्यता कमी आहे. ४ खेळाडू कायम ठेवल्यास किंवा एक RTM असेल, तर सूर्यकुमार यादव आणि इशान किशन हे त्या जागेसाठी मोठे दावेदार असतील”, असेही या अधिकाऱ्याने सांगितले.

श्रेयस दिल्ली सोडणार?

भारतीय फलंदाज श्रेयस अय्यर दिल्ली कॅपिटल्स सोडू शकतो. तो संघाचे नेतृत्व करण्याच्या भूमिकेसाठी उत्सुक आहे आणि दिल्ली कॅपिटल्स त्याच्याकडे पुन्हा कर्णधारपद सोपवण्याची शक्यता कमी आहे. ऋषभ पंतच्या नेतृत्वाखालील संघाने यंदाच्या आयपीएलच्या प्लेऑफमध्ये स्थान निश्चित केले होते.

सर्व संघांना समान संधी देण्यासाठी, बीसीसीआय दोन नवीन फ्रेंचायझींना लिलावापूर्वी उपलब्ध पूलमधून प्रत्येकी तीन खेळाडू निवडण्याची संधी देण्याचा विचार करत आहे. ”कोअर तयार करण्यासाठी नवीन संघांना संधी दिली जावी, असा यामागील तर्क आहे. साहजिकच, खेळाडूंच्या फीसह तसेच त्या विशिष्ट खेळाडूला लिलावापूर्वी उचलायचे आहे की नाही यासह, पद्धतींवर काम करणे आवश्यक आहे. बहुतेक जुन्या संघांना कायम ठेवण्याचा पर्याय असेल. अशा परिस्थितीत नवीन संघांना ही संधी मिळू शकते”, असेही या अधिकाऱ्याने सांगितले.