CSK vs LSG : मार्कस स्टॉयनिसच्या शतकाच्या जोरावर लखनऊने चेन्नईचा ६ विकेट्सनी उडवला धुव्वा, ऋतुराजची खेळी ठरली व्यर्थ Lucknow Supergiants beat Chennai Super Kings by 6 wickets Marcus Stoinis Unbeaten century in CSK vs LSG

CSK vs LSG Match Updates : लखनऊ सुपर जायंट्सने चेन्नई सुपर किंग्जचा ६ विकेट्सनी पराभव केला आहे. एलएसजीच्या फलंदाजांनी शेवटच्या २७ चेंडूत ७६ धावा केल्या.

Chennai Super Kings vs Lucknow Super Giants Match Updates in Marathi

पूरन आणि स्टॉयनिस (फोटो-लोकसत्ता ग्राफिक्स टीम)

Marcus Stoinis Unbeaten century against CSK : आयपीएल २०२४ मधील ३९वा सामना एमए चिदंबरम स्टेडियम चेन्नई येथे खेळला जात आहे. या सामन्यात चेन्नई सुपर किंग्ज आणि लखनऊ सुपरजायंट्स आमनेसामने आले होते. ज्यामध्ये लखनऊ सुपरजायंट्सने मार्कस स्टॉयनिसच्या शतकाच्या जोरावर सीएसकेवर ६ विकेट्सनी विजय मिळवला. या सामन्यात प्रथम फलंदाजी करताना चेन्नईने ऋतुराज गायकवाडच्या शतकी खेळीच्या जोरावर २१० धावांचा डोंगर उभारला होता. मात्र, प्रत्युतरात लखनऊने १९.३ षटकांत २१३ धावा करत विजयावर शिक्कामोर्तब केला.

लखनऊ सुपर जायंट्सने सलग दुसऱ्या सामन्यात चेन्नई सुपर किंग्जचा पराभव केला. घरच्या एकाना मैदानावर ८ गडी राखून पराभूत केल्यानंतर आता लखनऊने चेपॉकमध्ये चेन्नईचा ६ गडी राखून पराभव केला. नाणेफेक गमावून प्रथम फलंदाजी करताना चेन्नईने ४ विकेट्स गमावत २१० धावा केल्या. सीएसकेकडून ऋतुराज गायकवाडने नाबाद १०८ धावांची खेळी केली. प्रत्युत्तरात लखनऊने १९.३ षटकांत ४ गडी गमावून लक्ष्य गाठले. मार्कस स्टॉइनिसने ६३ चेंडूत १२४ धावांवर नाबाद राहिला. हे त्याच्या आयपीएल कारकीर्दीतील पहिले शतक ठरले. या विजयासह लखनऊचा संघ गुणतालिकेत चौथ्या स्थानावर पोहोचला आहे. त्याने चेन्नईची जागा घेतली, जी पाचव्या स्थानावर घसरली आहे.

TAKE. A. BOW Marcus Stoinis ??

Magnificent knock under pressure and he gets his side over the line ?

Recap the match LIVE on @StarSportsIndia and @JioCinema ??#TATAIPL | #CSKvLSG | @LucknowIPL pic.twitter.com/3rlRLvftDO
— IndianPremierLeague (@IPL) April 23, 2024

दुसरीकडे, लक्ष्याचा पाठलाग करताना एलएसजीची सुरुवात खूपच खराब झाली. क्विंटन डी कॉक शून्य आणि कर्णधार केएल राहुलने १६ धावा करून पॅव्हेलियनमध्ये परतला. लखनऊसाठी सर्वाधिक धावा मार्कस स्टॉइनिसने केल्या, ज्याने ५६ चेंडूत शतक पूर्ण केले आणि ६३ चेंडूंच्या खेळीत नाबाद १२४ धावा केल्या. या खेळीत स्टॉइनिसने १३ चौकार आणि ६ षटकारही मारले. शेवटच्या षटकांमध्ये दीपक हुडानेही ६ चेंडूत १७ धावांची तुफानी खेळी करत लखनऊच्या विजयात महत्त्वपूर्ण योगदान दिले.

हेही वाचा – IPL 2024 : ऋतुराज गायकवाडने झळकावले ऐतिहासिक शतक, CSK साठी ‘हा’ पराक्रम करणारा ठरला पहिला फलंदाज

चेन्नई सुपर किंग्जच्या गोलंदाजांची झाला धुलाई –

विशेषत: मोईन अली आणि तुषार देशपांडे चेन्नई सुपर किंग्जसाठी चांगलेच महागात पडले. सीएसकेकडून मथीशा पाथिरानाने २ बळी घेतले. त्याच्याशिवाय दीपक चहर आणि मुस्तफिजुर रहमाननेही प्रत्येकी १ बळी घेतला. अवघ्या ३ षटकांत ४२ धावा देत शार्दुल ठाकूरला काही विशेष करता आले नाही. चेन्नईच्या गोलंदाजांची इतकी धुलाई झाली की त्यांनी शेवटच्या २७ चेंडूत ७६ धावा दिल्या. चेन्नईचा पुढचा सामना २८ एप्रिलला सनरायझर्स हैदराबादशी होणार आहे, तर लखनऊचा संघ २७ एप्रिलला राजस्थान रॉयल्सविरुद्ध एकाना येथे खेळणार आहे.