सूर्यकुमार यादव नाही! राशिद खान होता ‘प्लेयर ऑफ द मॅच’चा मानकरी, भारताच्या ‘या’ माजी खेळाडूने व्यक्त केली नाराजी

मुंबईने हा सामना २७ धावांनी जिंकला आणि त्यानंतर सूर्यकुमारला प्लेयर ऑफ द मॅचने सन्मानित करण्यात आलं. परंतु, सूर्यकुमारला प्लेयर ऑफ द मॅचचा किताब दिल्यानं भारताचा माजी वेगवान गोलंदाज आर पी सिंहने थोडी नाराजी व्यक्त केली. समालोचन कक्षात आर पी सिंगला विचारण्यात आलं की, प्लेयर ऑफ द मॅचचा खरा मानकरी कोण आहे? यावर सिंगने उत्तर दिलं की, मला वाटतं, राशिद प्लेयर ऑफ द मॅच असायला पाहिजे होता. त्याने गोलंदाजी करत ४ विकेट्स घेतल्या आणि फलंदाजीतही कमाल दाखवली. अशा परिस्थितीत फलंदाजी करणं कठीण असतं.पण राशिदने ते करून दाखवलं. माझ्या अनुशंगाने राशिद खान प्लेयर ऑफ द मॅच आहे.

नक्की वाचा – Video: सूर्यकुमार यादवचा ‘तो’ शॉट पाहून क्रिकेटचा देवही झाला आश्चर्यचकित, सचिन ट्वीट करत म्हणाला, “वर्ल्ड क्रिकेटमध्ये कुणीही…”

राशिदने आतापर्यंत टी-२० मध्ये एकूण ५५१ विकेट घेण्याची कमाल केली आहे. याशिवाय राशिदने टी-२० करिअरमधील सर्वात मोठा वैयक्तित स्कोअर केला आहे. राशिदने मुंबईविरोधात झालेल्या सामन्यात फक्त ३२ चेंडूत ७९ धावांची नाबाद खेळी केली. राशिदचा आयपीएलमधील हा पहिला अर्धशतक आहेच, परंतु, टी-२० क्रिकेटमध्ये अफगानिस्तानच्या या अष्टपैलू खेळाडूचा सर्वात मोठा स्कोअर आहे. राशिदने या इनिंगमध्ये १० षटकार आणि ३ चौकार ठोकले. टी-२० क्रिकेटमध्ये ८ व्या नंबरवर फलंदाजी करून सर्वात जास्त षटकार ठोकण्याचा विक्रमही राशिदच्या नावावर नोंदवला गेला आहे.