Video: संजू सॅमसनने टिपलेला भन्नाट झेल एकदा पाहाच

गेल्या काही सामन्यात दमदार कामगिरी करणाऱ्या जॉनी बेअरस्टोकडून संघाला खूप अपेक्षा होत्या. त्यानुसार नव्या दमाच्या कार्तिक त्यागीला त्याने १ षटकारदेखील खेचला, पण डावाच्या पाचव्या षटकात चौथ्या चेंडूवर बेअरस्टोने हवाई फटका खेळला. चेंडू सीमारेषेच्या दिशेने अतिशय वेगाने जमिनीच्या दिशेने जात होता, पण तेवढ्यात संजू सॅमसनने झेप घेत भन्नाट झेल टिपला.

राजस्थानच्या संघात बेन स्टोक्सचं पुनरागमन

राजस्थानच्या संघात ३ बदल करण्यात आले. दीर्घ विश्रांतीनंतर बेन स्टोक्स संघात आला. त्याच्यासोबतच रियान पराग आणि रॉबिन उथप्पालाही संघात स्थान मिळालं. यशस्वी जैस्वाल, अँड्र्यू टाय आणि महिपाल लोमरोर या तिघांना संघाबाहेर करण्यात आलं. हैदराबादच्या संघानेही काश्मीरचा १८ वर्षीय अब्दुल समाद याला संघाबाहेर केलं आणि त्याच्या जागी विजय शंकरला संधी दिली.