RR vs PBKS: दुसऱ्याच चेंडूवर प्रभसिमरन झाला बाद, ट्रेंट बोल्टने घेतला अप्रतिम झेल, पाहा VIDEO

खरं तर, नाणेफेक जिंकल्यानंतर राजस्थानने पंजाबविरुद्ध प्रथम गोलंदाजी करण्याचा निर्णय घेतला. यादरम्यान पंजाबकडून प्रभसिमरन आणि शिखर धवन सलामीला आले. पण प्रभासिमरन दोन चेंडूत दोन धावा करून बाद झाला. यादरम्यान राजस्थानने पहिले षटक ट्रेंट बोल्टकडे सोपवले होते. षटकाच्या दुसऱ्या चेंडूवर बोल्टने प्रभासिमरनला बळी बनवले. या चेंडूवर प्रभासिमरनने शॉट खेळला, चेंडू थेट बोल्टकडे गेला.

यानंतर बोल्टने हवेत उडी मारून हा अवघड झेल पकडला –

आयपीएलने ट्रेंट बोल्टच्या शानदार झेलचा व्हिडीओ ट्विट केला आहे. अल्पावधीतच शेकडो लोकांना तो आवडला आहे. यासोबतच त्यावर अनेक प्रकारच्या प्रतिक्रियाही आल्या आहेतक. बोल्टच्या या झेलचे चाहत्यांनी कौतुक केले. या सामन्यात प्रभसिमरन बाद झाल्यानंतर अथर्व तायडेही लवकरच बाद झाला. त्याने १२ चेंडूत १९ धावा केल्या. त्यामुळे पंजाबच्या अडचणी वाढल्या.

हेही वाचा – RR vs PBKS: जितेश शर्मा, शाहरुख खान आणि सॅम करणची कमाल! पंजाब किंग्जचे राजस्थान रॉयल्सला १८८ धावांचे लक्ष्य

राजस्थानला १८८ धावांचे लक्ष्य –

पंजाब किंग्जसमोर राजस्थान रॉयल्सला खडतर लक्ष्य मिळाले आहे. पंजाबने २० षटकांत ६ बाद १८७ धावा केल्या आहेत. राजस्थानला प्लेऑफच्या आशा जिवंत ठेवण्यासाठी १८८ धावा कराव्या लागतील. पंजाबकडून सॅम करनने ३१ चेंडूत नाबाद ४९ धावा केल्या. जितेश शर्माने ४४ आणि शाहरुख खानने २३ चेंडूत नाबाद ४१ धावा केल्या.

हेही वाचा – CSK Team: “…तर एमएस धोनी पुढील हंगामात खेळताना दिसेल”; माहीच्या खेळण्याबाबत रॉबिन उथप्पाने सांगितली महत्त्वाची अट

अथर्व तायडेने १९आणि शिखर धवनने १७धावांचे योगदान दिले. लियाम लिव्हिंगस्टोनने नऊ आणि प्रभसिमरन सिंगने दोन धावा केल्या. राजस्थानकडून नवदीप सैनीने सर्वाधिक तीन बळी घेतले. त्याने अथर्व तायडे, लियाम लिव्हिंगस्टोन आणि जितेश शर्मा यांना बाद केले. ट्रेंट बोल्ट आणि अॅडम झाम्पाला प्रत्येकी एक यश मिळाले.