Virat Kohli: 'धोनीकडून शिकलो प्रत्येकाला खूश ...'; विराटच्या मुलाखतीचा VIDEO व्हायरलVirat Kohli said I learned from Dhoni that you can't please everyone

Virat Kohli Video Goes Viral: सध्या सोशल मीडियावर विराट कोहलीचा एक व्हिडीओ व्हायरल होत आहे, ज्यामध्ये विराट कोहली म्हणाला की, तो महेंद्रसिंग धोनीकडून शिकला आहे की, तुम्ही प्रत्येक वेळी सर्वांना संतुष्ट करू शकत नाही.

विराट कोहली आणि एमएस धोनी (फोटो- संग्रहित छायाचित्र इंडियन एक्सप्रेस)

Virat Kohli Says MS Dhoni’s Teachings: विराट कोहली सध्या आयपीएल २०२३ मध्ये रॉयल चॅलेंजर्स बंगळुरुकडून खेळत आहे. या मोसमातील काही सामन्यांमध्ये त्याने फाफ डू प्लेसिसच्या अनुपस्थितीत आरसीबीची जबाबदारीही घेतली होती. दरम्यान, आता विराट कोहलीच्या मुलाखतीची एक क्लिप सोशल मीडियावर मोठ्या प्रमाणात व्हायरल होत आहे, ज्यामध्ये तो म्हणत आहे की, त्याला महेंद्रसिंग धोनीकडून एक गोष्ट शिकायला मिळाली आहे की तुम्ही सर्वांना खूश करू शकत नाही.

विराट कोहलीने सोशल मीडियावर एक व्हिडिओ शेअर केला आहे, ज्यामध्ये तो अनेक गोष्टींबद्दल बोलत आहे. त्याच व्हिडिओमध्ये, तो म्हणाला, “एक गोष्ट मी एमएस धोनी आणि इतर लोकांकडून शिकलो आहे, ज्यांनी कर्णधारपद भूषवले आहे. तुम्ही प्रत्येक वेळी सर्वांना संतुष्ट करू शकत नाही.”

It’s a long road to the top but the greatest lessons are learnt when you get knocked down and get back up.

Let There Be Sport with @pumacricket, now streaming on @DisneyPlusHS. #LetThereBeSport #ad pic.twitter.com/dymvO8G4HK
— Virat Kohli (@imVkohli) May 11, 2023

धोनीच्या नेतृत्वाखाली कोहलीच्या आंतरराष्ट्रीय कारकिर्दीला सुरुवात –

विराट कोहलीने २००८ मध्ये आंतरराष्ट्रीय क्रिकेटमध्ये पदार्पण केले, तेव्हा महेंद्रसिंग धोनी भारतीय संघाचा कर्णधार होता. यानंतर धोनीने २०१४ मध्ये कसोटी क्रिकेटमधून निवृत्ती घेतली आणि विराट कोहलीची भारतीय कसोटी संघाचा पूर्णवेळ कर्णधार म्हणून नियुक्ती करण्यात आली. त्यानंतर २०१७ मध्ये विराट कोहली टी-२० आणि वनडे फॉरमॅटमध्ये टीम इंडियाचा कर्णधार बनला.

हेही वाचा – RR vs KKR: यशस्वी जैस्वालची वादळी खेळी पाहून विराट कोहलीही झाला आश्चर्यचकित; म्हणाला, “मी पाहिलेली ही सर्वोत्तम…”

सध्या रोहित शर्मा तिन्ही फॉरमॅटमध्ये टीम इंडियाचा कर्णधार म्हणून जबाबदारी सांभाळत आहे. २०२२ मध्ये दक्षिण आफ्रिका दौऱ्यावर विराट कोहलीने शेवटची टीम इंडियाची कमान हाती घेतली होती. सध्या विराट कोहलीच्या नावावर सर्वात यशस्वी भारतीय कसोटी कर्णधार, असा टॅग आहे. त्याने एकूण ६८ कसोटी सामन्यांमध्ये टीम इंडियाचे नेतृत्व केले आहे, ज्यामध्ये टीम इंडियाने ४० जिंकले आहेत.

किंग कोहलीची आतापर्यंतची आंतरराष्ट्रीय कारकीर्द –

विराट कोहलीने त्याच्या आंतरराष्ट्रीय कारकिर्दीत आतापर्यंत एकूण १०८ कसोटी, २७४ एकदिवसीय सामने आणि ११५ टी-२० आंतरराष्ट्रीय सामने खेळले आहेत. त्याने कसोटीत ८४१६ धावा, एकदिवसीय सामन्यात १२८९८ धावा आणि टी-२० आंतरराष्ट्रीय सामन्यात ४००८ धावा केल्या आहेत.

हेही वाचा – KKR Team: राजस्थानविरुद्ध पराभव पत्करल्यानंतर कोलकाता आयपीएल २०२३ च्या प्लेऑफमध्ये कसा पोहोचू शकतो? जाणून घ्या

विराट कोहलीची आयपीएल २०२३ मधील कामगिरी –

विराट कोहलीबद्दल बोलायचे झाले, तर त्याने या मोसमात आतापर्यंत चांगली फलंदाजी केली आहे. विराट कोहलीने या मोसमात ११ सामन्यात ४२ च्या सरासरीने ४२० धावा केल्या आहेत. विराट व्यतिरिक्त फक्त फाफ डु प्लेसिस आणि ग्लेन मॅक्सवेल यांनी फलंदाजीत आरसीबीमध्ये चांगली कामगिरी केली आहे. आता उर्वरित तीन सामन्यांमध्ये संघाच्या उर्वरित खेळाडूंनाही जबरदस्त फलंदाजी करावी लागणार आहे.

First published on: 12-05-2023 at 12:18 IST

Virat Kohli: ‘धोनीकडून शिकलो प्रत्येकाला खूश…’; विराटच्या मुलाखतीचा VIDEO व्हायरल

धोनीच्या नेतृत्वाखाली कोहलीच्या आंतरराष्ट्रीय कारकिर्दीला सुरुवात –

किंग कोहलीची आतापर्यंतची आंतरराष्ट्रीय कारकीर्द –

विराट कोहलीची आयपीएल २०२३ मधील कामगिरी –