Arjun Tendulkar Latest News Update : अर्जुन तेंडुलकरने आयपीएलमध्ये पदार्पण केल्यापासून चमकदार कामगिरी केली आहे. मागील सामन्यात अर्जुनने हैद्राबादच्या भुवनेश्वर कुमारला बाद करून आयपीएलमधील त्याच्या पहिल्या विकेटवर शिक्कामोर्तब केलं. २०२१ मध्ये अर्जुन मुंबई इंडियन्सशी जोडला गेला. परंतु, आयपीएलमध्ये पदार्पण करण्यासाठी त्याला दोन वर्ष प्रतीक्षा करावी लागली. अर्जुनने त्याच्या गोलंदाजीने प्रभावीत केलच आहे. पण त्याने घातलेल्या जर्सी नंबर २४ ची क्रीडाविश्वात तुफान चर्चा रंगली आहे. या नंबरच्या जर्सीमागं नेमकं काय कारण आहे, याबाबत जाणून घेऊयात सविस्तर माहिती.

आयपीएलमध्ये अर्जुन जर्सी नंबर-२४ घालून खेळत आहे. त्याच्या जर्सीवर २४ नंबर लिहिलेला आहे. अर्जुन तेंडुलकरचा जर्सी नंबर २४ पाहून चाहत्यांनी तर्क वितर्क लावण्यास सुरुवात केली आहे. अर्जुनने २४ नंबरची जर्सी यासाठी घातली आहे, कारण २४ एप्रिल त्याचे वडील सचिन तेंडुलकरचा जन्मदिवस आहे. वडीलांच्या वाढदिवसाच्या कनेक्शनमुळं अर्जुन आयपीएलमध्ये २४ नंबरची जर्सी घालत आहे. याशिवाय अर्जुनचा जन्म २४ सप्टेंबर १९९९ ला झाला होता. म्हणजेच २४ नंबरसोबत खास कनेक्शन असल्यामुळं अर्जुन आयपीएलमध्ये जर्सी नंबर २४ घालत असल्याचं चाहत्यांचं म्हणणं आहे.

आणखी वाचा
Former Zimbabwean cricketer Guy Whittle
Guy Whittall : धक्कादायक! माजी क्रिकेटरवर बिबट्याचा जीवघेणा हल्ला, कुत्र्याने वाचवला जीव, रक्ताने माखलेला फोटो व्हायरल
IPL 2024 Lucknow Super Giants vs Chennai Super Kings Match Updates in Marathi
IPL 2024: धोनीचा अद्भुत षटकार! संपूर्ण कारकिर्दीत माहीने पहिल्यांदाच लगावला भन्नाट शॉट; एबी-सूर्यालाही विसराल
Manoj Tiwary criticizes Glenn Maxwell
IPL 2024 : मॅक्सवेलच्या फ्लॉप शोवर माजी भारतीय खेळाडूची सडकून टीका; म्हणाला, ‘तो वेळोवेळी फक्त पगार घेतोय पण…’
Mayank Yadav Reveals About Fitness
IPL 2024 : सर्वात वेगवान चेंडू टाकणाऱ्या मयंक यादवच्या फिटनेसचं रहस्य काय? त्यानंच सांगितलं तो काय करतो?

नक्की वाचा – राजस्थान रॉयल्सचा पराभव केल्यानंतर के एल राहुलची मोठी प्रतिक्रिया, म्हणाला, “कर्णधार म्हणून माझ्याकडून चूक…”

सचिन जेव्हा आयपीएल खेळत होता, तेव्हा तो १० नंबरची जर्सी घालून मैदानात उतरायचा. आंतरराष्ट्रीय क्रिकेटमध्ये सचिन १० नंबरची जर्सी घालून खेळत असे. आंतरराष्ट्रीय क्रिकेटच्या दरम्यान सचिनने ३३ आणि ९९ नंबरची जर्सीही घातली होती. आयपीएलच्या १५ वर्षांच्या इतिहासात सचिन आणि अर्जुन तेंडुलकर सामने खेळणारी पिता-पुत्राची पहिली जोडी आहे. सचिनने २००८ पासून २०१३ पर्यंत सहा वर्ष मुंबई इंडियन्सचं प्रतिनिधित्व केलं.