T20 Blast Tournament: जोस बटलरने हवेत उडी मारत एका हाताने टिपला जबरदस्त झेल, VIDEO होतोय व्हायरल

जोस बटलरने हवेत झेपावत घेतला अप्रतिम झेल –

खरेतर, या सामन्यात नॉर्थम्प्टनशायरच्या फलंदाजीदरम्यान जोस बटलरने यष्टीच्या मागे एक शानदार झेल पकडला. बटलरने विरोधी संघाचा सलामीवीर रिकार्डो वास्कोनसेलोसचा अप्रतिम झेल टिपला. जोस बटलरने घेतलेला हा झेल पाहून केवळ प्रेक्षकच नाही, तर मैदानावरील प्रत्येक खेळाडू आश्चर्यचकित झाला. ज्याचा व्हिडीओ आता तुफान व्हायरल होत आहे.

३२ वर्षीय बटलरची चपळता पाहा –

जोस बटलरचा हा अप्रतिम झेल नॉर्थम्प्टनशायरच्या डावाच्या तिसऱ्या षटकात पाहायला मिळाला. लँकेशायरचा गोलंदाज ल्यूक वुडचा चेंडू रिकार्डो व्हॅस्कॉन्सेलॉसच्या बॅटच्या बाहेरील कडा घेऊन विकेटच्या मागे गेला. चेंडू बटलरपासून दूर होता पण ३२ वर्षीय खेळाडूने त्याच्या चपळाईने डावीकडे वेगवान डायव्ह मारली आणि चेंडू त्याच्या ग्लोव्हजमध्ये पकडला.

जोस बटलर ॲशेस मालिकेत खेळवण्याची चाहत्यांनी केली मागणी –

जोस बटलरच्या या शानदार झेलचा व्हिडीओ सोशल मीडियावर व्हायरल होत आहे. या व्हिडीओवर कमेंट करताना चाहत्यांनी जॉनी बेअरस्टोऐवजी बटलरला ॲशेसमध्ये खेळवावे, असे म्हटले आहे. जॉनी बेअरस्टो आतापर्यंत ॲशेसच्या दोन्ही कसोटी सामन्यांमध्ये फ्लॉप ठरला आहे. त्याच्या बॅटमधून धावा झाल्या नाहीत. एका यूजरने ‘फ्लाइंग बटलर’ असे म्हटले आहे. आणखी एका युजरने म्हटले आहे की, बटलर ॲशेस का खेळत नाही?

हेही वाचा – ENG vs AUS: रविचंद्रन अश्विनने ॲलेक्स कॅरीच्या कृतीचे केले समर्थन; म्हणाला, “खिलाडूवृत्ती यांसारख्या प्रश्नांऐवजी त्याच्या…”

जोस बटलर फलंदाजीत अपयशी –

या सामन्यात लँकेशायरने सहा गडी राखून विजय मिळवला. १३९ धावांच्या लक्ष्याचा पाठलाग करताना लँकेशायरने १७ व्या षटकातच १३९ धावांचे लक्ष्य गाठले. लँकेशायरसाठी फिल सॉल्टने ५१ चेंडूत नाबाद ७४ धावांची शानदार खेळी केली. त्याच्या या खेळीच्या जोरावप लँकेशायरने सामना जिंकला. फलंदाजीदरम्यान जोस बटलर फ्लॉप झाला. त्याने केवळ ११ धावांचे योगदान दिले.