नॅथन लायनचा मोठा पराक्रम; १४५ वर्षांच्या कसोटी क्रिकेटच्या इतिहासात पहिल्यांदाच घडलं Nathan Lyon is the first bowler to bowl Thirty thousand balls in Test cricket and not bowl a single no ball

Nathan Lyon Big Records: नागपूर कसोटीच्या तिसऱ्या दिवशी क्रिकेटच्या कसोटी फॉरमॅटमध्ये तीस हजार चेंडू टाकण्याचा विक्रम नॅथन लायनच्या नावावर आहे. अशी कामगिरी करणारा तो जगातील केवळ सहावा आणि दुसरा ऑस्ट्रेलियन गोलंदाज ठरला आहे.

IND vs AUS 1st Test Updates Nathan Lyon is the first bowler to bowl Thirty thousand balls

नॅथन लायन (फोटो-ट्विटर)

बॉर्डर गावसकर ट्रॉफीतील पहिला सामना नागपुरात पार पडला. या सामन्यात भारताने ऑस्ट्रेलियावर एक डाव आणि १३२ धावांनी विजय मिळवला.या सामन्याच्या तिसऱ्या दिवशी ऑस्ट्रेलियाचा फिरकी गोलंदाज नॅथन लायनने इतिहास रचला आहे. यादरम्यान नॅथन लायनने कसोटी क्रिकेटमध्ये ३० हजार चेंडू फेकण्याचा विक्रम केला. अशी कामगिरी करणारा तो जगातील केवळ सहावा आणि दुसरा ऑस्ट्रेलियन गोलंदाज ठरला आहे.

त्याच्या रेकॉर्डमधील खास गोष्ट म्हणजे त्याने आतापर्यंतच्या कारकिर्दीत एकही नो बॉल टाकलेला नाही. कसोटी क्रिकेटच्या इतिहासात आतापर्यंत असा एकही गोलंदाज नाही. ज्याने कसोटी क्रिकेटमध्ये ३०,००० चेंडू टाकले असतील पण त्यात एकही नो बॉल टाकला नाही. कसोटी क्रिकेटमध्ये सर्वाधिक चेंडू फेकण्याचा विक्रम श्रीलंकेचा माजी दिग्गज फिरकी गोलंदाज मुथय्या मुरलीधरनच्या नावावर आहे.

कसोटी क्रिकेटमध्ये सर्वाधिक चेंडू टाकणारे गोलंदाज –

मुथय्या मुरलीधरन – ४४०३९
अनिल कुंबळे – ४०८५०
शेन वॉर्न – ४०७०५
जेम्स अँडरसन – ३७९०७
स्टुअर्ट ब्रॉड – ३१९८२
नॅथन लियॉन – ३००६४*

हेही वाचा – IND vs AUS: ‘मेरी तरफ क्या दिखा रहा रिव्हू दिखा’, कॅमेरामनच्या कृतीवर रोहित भडकल्याने खेळाडू लागले हसू , पाहा VIDEO

पहिल्या डावात ४०० धावा केल्यानंतर टीम इंडियाला २२३ धावांची आघाडी मिळाली. ऑस्ट्रेलियाने दुसऱ्या डावात सातत्याने विकेट गमावल्या. त्यामुळे त्यांचा डाव अवघ्या ९१ धावांवर आटोपला. परिणामी तिसऱ्या दिवशीच संघाला मानहानीकारक पराभवाला सामोरे जावे लागले. दुसऱ्या डावात ऑस्ट्रेलियाकडून सर्वाधिक धावांचे योगदान दिले. त्याने ५१ चेंडूत २ चौकार आणि एका षटकाराच्या मदतीने नाबाद २५ धावा केल्या. त्याचबरोबर भारताकडून आर आश्विनने सर्वाधिक ५ विकेट्स घेत भारतीय संघाच्या विजयावर शिक्कामोर्तब केला.

हेही वाचा – IND vs AUS 1st Test: वसीम जाफरने उडवली ऑस्ट्रेलिया संघाची खिल्ली, ट्विट करत नव्या पद्धतीने शिकवली ABCD

This quiz is AI-generated and for edutainment purposes only.

ऑस्ट्रेलिया संघाचा पहिला डाव –

नाणेफेक जिंकून ऑस्ट्रेलिया संघाने प्रथम फलंदाजी करण्याचा निर्णय घेतला होता. हा निर्णय ऑस्ट्रेलिया संघाला महागात पडला. त्याचा सर्व संघ ६३.५ षटकांत १७७ गुंडाळला. ऑस्ट्रेलिया संघाकडून मार्नस लाबुशेनने सर्वाधिक धावांचे योगदान दिले. त्याने ४९ धावा केल्या. अशा पद्धतीने पहिल्या डावात ऑस्ट्रेलियन संघातील एकाही फलंदाजाला अर्धशतक झळकावता आले नाही. भारतीय संघाकडून गोलंदाजी करताना रवींद्र जडेजाने सर्वाधिक पाच विकेट्स घेत ऑस्ट्रेलिया संघाला सुरुंग लावण्याचे काम केले.

First published on: 11-02-2023 at 16:52 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Nathan lyon is the first bowler to bowl thirty thousand balls in test cricket and not bowl a single no ball vbm

IND vs AUS: नॅथन लायनचा मोठा पराक्रम; १४५ वर्षांच्या कसोटी क्रिकेटच्या इतिहासात पहिल्यांदाच घडलं

कसोटी क्रिकेटमध्ये सर्वाधिक चेंडू टाकणारे गोलंदाज –

ऑस्ट्रेलिया संघाचा पहिला डाव –