जागतिक क्रमवारीत अव्वल स्थानी असलेल्या राफेल नदालने दुखापतींना बाजूला सारत रिओ टेनिस स्पर्धेच्या जेतेपदोची कमाई केली. पाठ तसेच डाव्या हाताला झालेली दुखापत यामुळे नदालला ऑस्ट्रेलियन खुल्या स्पर्धेच्या अंतिम फेरीत पराभवाला सामोरे जावे लागले होते. मात्र या दुखापतीतून सावरत नदालने यशस्वी पुनरागमन केले आहे. अंतिम लढतीत त्याने युक्रेनच्या अलेक्झांड्र डोलगोपोव्हवर ६-३, ७-६ असा विजय मिळवला. १३ ग्रँडस्लॅम जेतेपदे नावावर असणाऱ्या नदालने दुखापतींची कोणतीही लक्षणे न दाखवता आगेकूच केली. नदालचे हे कारकिर्दीतील ४८वे जेतेपद आहे.