IPL 2023: राजस्थान रॉयल्सला प्रसिद्ध कृष्णाच्या जागी मिळाला बदली खेळाडू; ‘हा’ अनुभवी गोलंदाज संघात झाला सामील

राजस्थानच्या जर्सीमध्ये संघासह संदीप दिसला –

डिसेंबर २०२२ मध्ये झालेल्या आयपीएल लिलावात संदीप शर्माला कोणताही खरेदीदार मिळाला नाही. अशा परिस्थितीत तो कोणत्याही संघात सामील होण्यासाठी उपलब्ध होता आणि याचा फायदा राजस्थान रॉयल्स संघाने घेतला आहे. तो राजस्थानची जर्सी परिधान करून संघासोबत प्रवास करताना दिसला आहे.

प्रभावशाली खेळाडू म्हणून संदीपचा उत्तम वापर होऊ शकतो –

आयपीएलमध्ये लागू करण्यात आलेले अनेक नवीन नियम, विशेषत: प्रभावशाली खेळाडू नियम लक्षात घेता, प्रसिद्ध कृष्णाची सर्वोत्तम बदली संदीप शर्मा असू शकतो. पॉवरप्लेमध्ये शर्माचा रेकॉर्ड उत्कृष्ट राहिला आहे. पॉवरप्लेमध्ये सर्वाधिक विकेट्स घेण्याच्या बाबतीत तो फक्त भुवनेश्वर कुमारच्या मागे आहे. आयपीएलच्या पॉवरप्लेमध्ये भुवीच्या नावावर ५४ तर संदीपच्या नावावर ५३ विकेट्स आहेत.

हेही वाचा – IPL 2023: गेल्या मोसमातील वाद विसरून धोनी आणि जडेजा पुन्हा एकत्र; सीएसकेने शेअर केला VIDEO

संदीप शर्माची आयपीएल कारकीर्द –

अनुभवी गोलंदाज संदीप शर्मा ज्याची मूळ किंमत ५० लाख आहे, त्याच्यासाठी यावेळी आयपीएलमध्ये कोणत्याही संघाने बोली लावली नाही. २०१३ ते २०२२ या आयपीएलमध्ये संदीपने १० वर्षात एकूण १०४ सामने खेळले आहेत. या कालावधीत त्याने २६.३३ च्या सरासरीने आणि ७.७७ च्या इकॉनॉमीसह एकूण ११४ बळी घेतले आहेत. २० धावांत ४बळी ही त्याची सर्वोत्तम कामगिरी होती. दोनदा त्याने एका डावात चार विकेट घेतल्या आहेत.

राजस्थान रॉयल्सचा संघ –

संजू सॅमसन (कर्णधार), कुणाल सिंग राठौर, डोनोवन फरेरा, शिमरॉन हेटमायर, देवदत्त पडिककल, जोस बटलर, यशस्वी जैस्वाल, कुणाल सिंग राठोर, ध्रुव जुरेल, जो रूट, जेसन होल्डर, रियान पराग, आर अश्विन, आकाश वशिष्ठ, अब्दुल बाशिथ. ओबेद मॅकॉय, युझवेंद्र चहल, कुलदीप सेन, केसी करिअप्पा, नवदीप सैनी, कुलदीप यादव, ट्रेंट बोल्ट, अॅडम झाम्पा, केएम आसिफ, मुरुगन अश्विन आणि संदीप शर्मा