AFG vs PAK T20: ‘संघाला उद्ध्वस्त करण्याच्या दिशेने पहिले पाऊल…’, पीसीबीच्या निर्णयावर पाकिस्तानचा माजी कर्णधार संतापला

हे सर्व खेळाडू अफगाणिस्तानविरुद्धच्या टी-२० मालिकेत खेळू शकणार नाहीत. आता या स्टार खेळाडूंना विश्रांती दिल्याने क्रिकेट चाहते आणि पाकिस्तानचे अनेक माजी क्रिकेटपटू पीसीबीवर जोरदार टीका करत आहेत. या खेळाडूंना विश्रांती देण्याचे कारण म्हणजे हे सर्वजण सध्या पाकिस्तान सुपर लीगमध्ये खेळत आहेत.

पाकिस्तान क्रिकेट संघाचा माजी कर्णधार राशिद लतीफ यानेही बोर्डाच्या निर्णयावर आक्षेप व्यक्त करत टीकाही केली. जेव्हा आमचे खेळाडू आयसीसी क्रमवारीत सामील होऊ लागले आहेत. तसेच पुरस्कार जिंकू लागले आहेत, तेव्हा असे पाऊल समर्थनीय नाही, असे त्यांचे मत आहे. ते म्हणाले की, पीसीबीच्या शीर्षस्थानी असलेले ७०-८० वर्षे वयोगटातील लोक हे ठरवत आहेत की कोणी विश्रांती घ्यावी की नाही.

हेही वाचा – IND vs AUS ODI: मैदानात नव्हे तर मुंबईच्या गल्ली क्रिकेटमध्ये रमला डेव्हिड वॉर्नर, VIDEO होतोय व्हायरल

पाकिस्तानचा राष्ट्रीय संघ उद्ध्वस्त करण्याची ही पहिली पायरी आहे का? पाकिस्तान क्रिकेटशी बोलताना रशीद लतीफ म्हणाले की, आमचे खेळाडू आयसीसी क्रमवारीत स्थान मिळवत आहेत आणि बऱ्याच काळानंतर पुरस्कार जिंकत आहेत. बाबर आझम आणि शाहीन आफ्रिदी यांनी आयसीसी पुरस्कार जिंकले आणि पीसीबीला ते पचवता आले नाही.

आम्ही हे होऊ देणार नाही आणि आता आम्ही येथे आहोत आणि निर्णय घेणार असल्याचे त्यांनी सांगितले. ज्यांनी कधीही विश्रांती घेतली नाही आणि ७० किंवा ८० वर्षांचे आहेत आणि त्यांना विश्रांतीची गरज आहे. ते आता पाकिस्तान क्रिकेटचे भवितव्य ठरवत आहेत. तुम्ही रेस्ट इन पीस पाकिस्तान क्रिकेट टीम म्हणू शकता. लतीफ म्हणाले की, जेव्हा तुम्ही नवीन खेळाडू आणता तेव्हा तुम्ही संघाचे संयोजन मोडता.

निवडलेले काही नवीन खेळाडू अफगाणिस्तान मालिकेत कामगिरी करतील, त्यामुळे ते कमी स्ट्राइक रेट असलेल्या वरिष्ठ खेळाडूंना परत आणतील. प्रसारमाध्यमेही त्याच्यावर दबाव आणतील, पाकिस्तान संघाला उद्ध्वस्त करण्याच्या दिशेने टाकलेले हे पहिले पाऊल आहे. दोन्ही देशांदरम्यान २५ मार्चपासून शारजाहमध्ये तीन सामन्यांची टी-२० मालिका खेळवली जाणार आहे.

हेही वाचा – IPL 2023 मध्ये ऋषभ पंतची जागा कोण घेणार, सरफराज खान विकेटकीपिंग करणार का? यावर मोहम्मद कैफचा मोठा खुलासा

अफगाणिस्तान दौऱ्यासाठी पाकिस्तान संघ –

शादाब खान (कर्णधार), अब्दुल्ला शफीक, आझम खान, फहीम अश्रफ, इफ्तिखार अहमद, इहसानुल्ला, इमाद वसीम, मोहम्मद हरिस, मोहम्मद नवाज, मोहम्मद वसीम जूनियर, नसीम शाह, सैम अयुब, शान मसूद, तय्यब ताहिर, जमान खान.
राखीव खेळाडू: अबरार अहमद, हसिबुल्लाह आणि उसामा मीर.