आयसीसीने नुकतंच एकदिवसी आणि कसोटी क्रिकेटमधील फलंदाजी आणि गोलंदाजीची क्रमवारी जाहीर केली आहे. भारतीय क्रिकेट संघातील दिग्गज फलंदाज विराट कोहली आणि रोहित शर्मा यांची टेस्ट रॅंकिंगमध्ये घसरण झाली आहे. रोहित शर्मा कसोटी क्रिकेटमध्ये आठव्या स्थानावर तर विराट कोहली दहाव्या स्थानावर घसरला आहे. गोलंदाजी विभागातही मोठे फेरबदल झाले आहेत.
आयसीसीने बुधवारी कसोटी आणि एकदिवस क्रिकेटमधील फलंदाजी आणि गोलंदाजीमधील टॉप खेळाडूंची क्रमवारी जाहीर केली आहे. या क्रमवारीमध्ये रोहित शर्मा सातव्या स्थानावरुन आठव्या स्थानावर घसरला आहे. तर विराट कोहली नवव्या स्थानावरुन दहाव्या स्थानापर्यंत खाली आला आहे.
तर दुसरीकडे भारताचा कर्णधार रोहित शर्मा एकदीवसीय क्रिकेटच्या क्रमवारीमध्ये पाचव्या स्थानावरुन चौथ्या स्थानावर आला आहे. कसोटी क्रिकेटमधील गोलंदाजांच्या क्रमावरीत आर अश्विन दुसऱ्या स्थानावर असून जसप्रित बुमराह चौथ्या स्थानावर आहे.
