टीम इंडियाचा कर्णधार रोहित शर्मा सध्या वेस्ट इंडिजविरुद्धच्या आगामी एकदिवसीय मालिकेसाठी (IND vs WI) अहमदाबादमध्ये आहे आणि संघासोबत क्वारंटाइनमध्ये वेळ घालवत आहे. अशा स्थितीत टीम इंडियाकडून खेळलेला आणि त्याचा मुंबईचा सहकारी धवल कुलकर्णी याने एक इन्स्टाग्राम पोस्ट शेअर केली. या पोस्टमध्ये धवलने आपल्या दोन मित्रांसोबतचा फोटो अपलोड केला आणि कॅप्शनमध्ये लिहिले, 'आमची कशावर चर्चा करतोय? तुम्ही कोणी सांगाल का?' त्याच्या या पोस्टवर कमेंट करताना रोहित शर्माने एक कमेंट केली आहे. धवल कुलकर्णीच्या या फोटोमध्ये तिघे मित्र आपापसात काही संवाद साधत आहेत. धवलच्या प्रश्नाला उत्तर देताना रोहित म्हणतो, ''कि सबसे बड़ा zav**** कौन है?'' रोहितने मराठी शिवी दिली असल्याचे कळते, पण त्याने तो शब्द पूर्ण लिहिलेला नाही. रोहितच्या या कमेंटवर चाहत्यांनीही मजेशीर प्रतिक्रिया व्यक्त केल्या आहेत. https://www.instagram.com/p/CZbBsqqNJC_/?utm_source=ig_embed&ig_rid=b450dcc6-3cf7-4b1e-a0d6-18dddacec828 हेही वाचा - “माझा देश भरपूर जनावरं खातो, म्हणून…”, पाकिस्तानच्या शोएब अख्तरनं लावला जावईशोध! रोहित शर्माची कमेंट रोहित शर्मा आणि धवल कुलकर्णी सुरुवातीपासूनच मुंबई संघासाठी एकत्र खेळत आहेत आणि दोघांनी टीम इंडियासाठी सामनेही खेळले आहेत. धवल कुलकर्णीने भारतासाठी १२ एकदिवसीय आणि दोन टी-२० आंतरराष्ट्रीय सामने खेळले असून, त्याने अनुक्रमे १९ आणि ३ बळी घेतले आहेत. धवल कुलकर्णी गेल्या काही वर्षांपासून मुंबई इंडियन्स संघाचा भाग होता.
