PAK vs AUS : बाबर आणि पाकिस्तानचा नवा कसोटी कर्णधार शान मसूद यांच्यात कसे आहे नाते? सरफराजने सांगितले सत्य

तीन सामन्यांच्या कसोटी मालिकेपूर्वी पाकिस्तान संघाला कॅनबेरा येथे चार दिवसीय सामन्यात पीएम इलेव्हनचा सामना करावा लागणार आहे. पाकिस्तान संघ यासाठी पूर्णपणे तयार आहे. या सामन्यानंतर पाकिस्तान संघ १४ डिसेंबरपासून पर्थमध्ये पहिला कसोटी सामना खेळणार आहे. त्यानंतर मेलबर्नमध्ये बॉक्सिंग डे कसोटी सामना होणार आहे. तसेच सिडनीमध्ये नवीन वर्षात तिसरा कसोटी खेळला जाणार आहे. पीएम इलेव्हनविरुद्धच्या सामन्यापूर्वी बोलताना सर्फराज अहमद म्हणाला की, पाकिस्तान संघ या सामन्यासाठी पूर्णपणे तयार आहे.

पाकिस्तानने ऑस्ट्रेलियन भूमीवर कधीही कसोटी मालिका जिंकलेली नाही आणि १३ वेळा पराभवाचा सामना करावा लागला आहे. सरफराज म्हणाला “ऑस्ट्रेलियाकडे चांगले फलंदाज आहेत, पण आम्हीही कमी नाही. अब्दुल्ला, बाबर, इमाम, सौद आणि आगा यांच्यासह आम्ही आव्हानासाठी सज्ज आहोत. शाहीन आणि हसन हे सुद्धा आहेत. तसेच आमच्याकडे मीर हमजा, खुर्रम शहजाद आणि फहीमसारखे खेळाडू आहेत ज्यांनी देशांतर्गत स्पर्धांमध्ये आपली योग्यता सिद्ध केली आहे.”

हेही वाचा – WI vs ENG : सॅम करनने वेस्ट इंडिजविरुद्ध फलंदाजी करताना केलं अस काही की, सोशल मीडियावर होतोय ट्रोल; पाहा VIDEO

बाबर आझम आणि शान मसूद यांच्यातील संबंध –

“आपल्या देशाचे नेतृत्व करणे हा नेहमीच सन्मान असतो आणि मी शान मसूदचे त्याच्या भूमिकेबद्दल अभिनंदन करू इच्छितो. बाबर आझम, मुहम्मद हाफीज आणि शान मसूद यांच्यातील चांगले संबंध आमच्या शिबिरातील मजबूत बंधाचा पुरावा आहे. तसेच संघाच्या यशात योगदान देण्यासाठी कोणतीही भूमिका बजावण्यात मला आनंद वाटतो, मग ते फलंदाज म्हणून असो की यष्टिरक्षक.