शिखर धवन, शुबमन गिल अन् ईशान किशनची झिम्बाब्वेत धमाल; Video बघून तुम्हालाही आवरणार नाही हसू

अनुभवी सलामीवीर शिखर धवन सोशल मीडियावर फार अॅक्टिव्ह असतो. विनोदी व्हिडिओ पोस्ट करून तो आपल्या चाहत्यांना हसवण्याचे काम करतो. झिम्बाब्वेविरुद्धची मालिका सुरू होण्यापूर्वी शिखर धवनने शुबमन गिल आणि ईशान किशनसह एका पंजाबी गाण्यावर विनोदी डान्स केला आहे.

“हांजी बिबा, किद्दा?”, अशा कॅप्शनसह शिखरने हा व्हिडिओ शेअर केला आहे. या व्हिडिओला चाहत्यांची भरपूर पसंती मिळत आहे. आतापर्यंत लाखो चाहत्यांनी व्हिडिओ लाईक केला आहे. याशिवाय, भारतीय संघातील अनेक खेळाडूंनीही व्हिडिओवर कमेंट केल्या आहेत. कर्णधार केएल राहुल आणि सूर्यकुमार यादव यांनी खळखळून हसणारे इमोजी कमेंटमध्ये टाकले आहेत. तर, गोलंदाज मोहम्मद सिराजने ईशान किशनचे कौतुक केले आहे.

हेही वाचा – ICC 2023-27 Schedule: येत्या पाच वर्षांत होणार तब्बल ७७७ क्रिकेट सामने; आयसीसीने जाहीर केले पुरुष क्रिकेटचे वेळापत्रक

दरम्यान, भारतीय क्रिकेट संघाला १८ ते २२ ऑगस्ट दरम्यान झिम्बाब्वेमध्ये तीन सामन्यांची एकदिवसीय आंतरराष्ट्रीय मालिका खेळायची आहे. या मालिकेसाठी आधी शिखर धवनला कर्णधार करण्यात आले होते. मात्र, केएल राहुल फिटनेस चाचणी उत्तीर्ण होताच निवडकर्त्यांनी धवनच्या जागी त्याची नियुक्ती केली. धवनकडे उपकर्णधारपद असेल. मालिकेतील सर्व सामने हरारे येथील ‘हरारे स्पोर्ट्स क्लब’च्या मैदानावर होणार आहेत.