IPL 2019 : ‘या’ कारणामुळे शिखर धवन पुन्हा दिल्लीच्या संघात - मराठी बातम्या | Shikhar Dhawan Was Unhappy With Pay In Sunrisers Hyderabad

धवनच्या आतापर्यंत IPLमध्ये ४०५८ धावा

IPLच्या २०१९मध्ये होणाऱ्या हंगामासाठी भारताचा सलामीवीर शिखर धवन हा दिल्ली डेअरडेव्हील्स संघाकडून खेळणार आहे. दिल्ली आणि हैदराबाद या दोन्ही संघाने सोमवारी ट्विट करत वृत्ताला अधिकृत दुजोरा दिला. पण शिखर हा आर्थिक कारणांमुळे हैदराबाद संघातून बाहेर पडला असल्याची माहिती आता समोर येत आहे.

Brace yourselves, for he has returned, where it all began!
Welcome Home, Shikhar Dhawan.#DilDilli #Dhadkega pic.twitter.com/LFGMxs1bEk
— Delhi Daredevils (@DelhiDaredevils) November 5, 2018

हैदराबाद संघाकडून खेळताना शिखर धवन हा आर्थिक बाबींबद्दल समाधानी नव्हता. त्यामुळे त्याने दुसऱ्या संघात जाण्याचा निर्णय घेतला, अशी माहिती हैदराबाद संघाकडून करण्यात आलेल्या ट्विटमध्ये म्हटले आहे.

We have traded Shikhar Dhawan to Delhi Daredevils for Vijay Shankar, Shahbaz Nadeem and Abhishek Sharma. We thank Shikhar for his contribution to the team over the years and wish him the very best. pic.twitter.com/oEqwJ61yw1
— SunRisers Hyderabad (@SunRisers) November 5, 2018

शिखर धवनच्या बदल्यात दिल्लाच्या संघाला मोठी किंमत मोजोवी लागली आहे. हैदराबादच्या संघाने शहाबाज नदीम, अभिषेक शर्मा आणि विजय शंकर या तीन खेळाडूंच्या बदल्यात शिखर धवनला दिल्लीच्या संघाकडे हस्तांतरित केले आहे.

२००८ साली शिखर धवनने दिल्लीच्या संघाकडून पहिल्यांदा IPLमध्ये पदार्पण केले. त्यानंतर त्याचा प्रवास मुंबईइंडियन्स, डेक्कन चार्जर्स आणि सनरायझर्स हैदराबाद असा झाला. धवनने आतापर्यंत १४३ आयपीएल सामने खेळले असून त्यात ३३.२६ च्या सरासरीने आणि १२३.५३ च्या स्ट्राईक रेटने एकूण ४०५८ धावा केल्या आहेत.

First published on: 06-11-2018 at 16:10 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Shikhar dhawan was unhappy with pay in sunrisers hyderabad