सिफ्त कौर सामराला कांस्यपदक; नेमबाजी विश्वचषकात रायफल थ्री पोझिशन प्रकारात यश

पात्रतेत सिफ्तने नीलिंग, प्रोन आणि स्टॅन्डिंग या तीन प्रकारांत मिळून एकूण ५९२ गुणांची कमाई करीत दुसरे स्थान मिळवले होते. फ्रान्सच्या अगाथे सेसिल कॅमिली गिरार्डचेही ५९२ गुण होते. मात्र, १० गुणांचा वेध अधिक वेळा साधल्याने ती पात्रतेमध्ये अग्रस्थानी राहिली.

स्वित्झर्लंडची ऑड्रे गोगनियाट पात्रतेमध्ये तिसऱ्या स्थानी होती. अन्य भारतीयांमध्ये आशी चौक्सी पात्रता फेरीत ५८९ गुणांसह ११व्या, तर अंजुम मुद्गिल ५८६ गुणांसह २७व्या स्थानी राहिली. वर्षाच्या सुरुवातीला ब्यूनोस आयर्स येथे झालेल्या विश्वचषकात सिफ्तने सुवर्णपदक मिळवले होते.