Good news for Indian football team captain Sunil Chhetri's arrival at home little guest wife Sonam gave birth to a baby boy

Sunil Chettri became Father: भारतीय फुटबॉल संघाचा कर्णधार सुनील छेत्री पहिल्यांदाच वडील झाला असून त्याची पत्नी सोनम भट्टाचार्यने बुधवारी बंगळुरू येथील रुग्णालयात मुलाला जन्म दिला आहे.

भारतीय फुटबॉल संघाचा कर्णधार सुनील छेत्री पहिल्यांदाच वडील झाला. सौजन्य- (ट्वीटर)

Sunil Chettri became Father: भारतीय फुटबॉल संघाचा कर्णधार सुनील छेत्रीच्या घरी लहान पाहुण्यांचे आगमन झाले असून तो आता वडील झाला आहे. त्यांची पत्नी सोनम भट्टाचार्यने एका गोंडस मुलाला जन्म दिला आहे. छेत्रीच्या कुटुंबाने आणि मीडिया रिपोर्ट्सनुसार दिलेल्या माहितीनुसार, सोनम सध्या बंगळुरूमधील एका नर्सिंग होममध्ये आहे. आई आणि बाळ दोघेही निरोगी असल्याचे सांगण्यात येत आहे. बुधवारी सकाळी ११.११ वाजता सोनमने मुलाला जन्म दिला. विशेष म्हणजे सुनीलने सोशल मीडियावर कोणतेही अपडेट शेअर केलेले नाही. त्यामुळे ही बातमी बाहेर पडायला उशीर झाला.

खरं तर, आजकाल सेलिब्रिटींमध्ये हा ट्रेंड सामान्य झाला आहे. सोशल मीडिया प्लॅटफॉर्मवर सहसा सकारात्मक बातम्या व्हायरल होतात, परंतु सुनील आणि सोनम या दोघांनीही या प्रकरणाची कोणतीही माहिती आतापर्यंत ऑनलाइन शेअर न करण्याचा निर्णय घेतला आहे. सुनील आणि सोनमबद्दलचे अपडेट्स सोशल मीडियावर शेअर करणारे साहेब भट्टाचार्य हे प्रसिद्ध फुटबॉल लीजेंड सुब्रत भट्टाचार्य यांचा मुलगा आणि सोनमचा भाऊ आहे. सुनील आणि सोनमच्या मुलाच्या जन्माबाबत साहेबांनीही सोशल मीडियावर कोणतीही पोस्ट न करण्याचा निर्णय घेतला आहे.

या आनंदाच्या प्रसंगी, ‘कॅप्टन-फँटास्टिक’ आणि त्याच्या पत्नीवर अभिनंदन आणि शुभेच्छांचा वर्षाव होत आहे. यापूर्वी असे समोर आले होते की, सोनम सप्टेंबरच्या मध्यात मुलाला जन्म देऊ शकते. अशा परिस्थितीत सुनील छेत्रीने थायलंडमध्ये होणाऱ्या किंग्स कपसाठी भारतीय संघातून आपले नाव मागे घेतले होते.

View this post on Instagram

A post shared by Viral Bhayani (@viralbhayani)

भारतीय फुटबॉल संघाचे मुख्य प्रशिक्षक इगोर स्टिमाक यांनी कर्णधाराची विनंती मान्य केली होती आणि किंग्स चषकात त्यांच्या आगामी असाइनमेंटसाठी राष्ट्रीय संघात त्याची निवड केली नाही. त्याच्या अनुपस्थितीत संदेश झिंगन संघाचे नेतृत्व करेल. तर, मनवीर सिंग फॉरवर्ड्सची जबाबदारी पाहणार आहे. मात्र, सप्टेंबरच्या अखेरीस होणाऱ्या आशियाई क्रीडा स्पर्धेसाठी सुनील छेत्री भारतीय संघात उपस्थित राहणार आहे.

हेही वाचा: BCCI Media Rights: ५, ९६६. ४ कोटींचा करार! BCCIची झाली चांदी, टीम इंडियाच्या मॅचेस चाहत्यांना आता ‘या’ चॅनेलवर पाहता येणार

चार देशांच्या किंग्स कप स्पर्धेचे आयोजन बाद पद्धतीने केले जाईल. ७ ते १० सप्टेंबर या कालावधीत थायलंडमधील चियांग माई येथे याचे आयोजन करण्यात येणार आहे. भारतीय प्रशिक्षक इगोर स्टिमॅक यांनी स्पर्धेच्या ४९व्या हंगामासाठी २३ सदस्यीय भारतीय संघाची घोषणा केली. किंग्स चषक स्पर्धेत भारताचा पहिला नॉकआऊट सामना ७ सप्टेंबर रोजी थायलंडमधील चियांग माई स्टेडियमवर आशियाई दिग्गज इराकशी होणार आहे. पराभूत झालेला संघ तिसर्‍या क्रमांकाचा प्लेऑफ गेम खेळेल, तर विजेता अंतिम फेरीत लेबनॉन आणि यजमान थायलंड यांच्यातील दुसऱ्या गेमच्या विजेत्याशी भिडेल.

हेही वाचा: SL vs BAN: पाथिरानाची धारदार गोलंदाजी अन् कुशल मेंडिसचा अफलातून झेल, शाकिबही झाला चकित; पाहा Video

किंग्स कपसाठी भारतीय संघ

गोलरक्षक: गुरप्रीत सिंग संधू, अमरिंदर सिंग, गुरमीत सिंग.

बचावपटू: आशिष राय, निखिल पुजारी, संदेश झिंगन, अन्वर अली, मेहताब सिंग, लालचुंगनुंगा, आकाश मिश्रा, सुभाषीष बोस.

मिडफिल्डः जॅक्सन सिंग थौनाओजम, सुरेश सिंग वांगजाम, ब्रँडन फर्नांडिस, सहल अब्दुल समद, अनिरुद्ध थापा, रोहित कुमार, आशिक कुरुनियान, नौरेम महेश सिंग, लालियानझुआला छंगटे.

फॉरवर्ड: मनवीर सिंग, रहीम अली, राहुल केपी.

मुख्य प्रशिक्षक: इगोर स्टिमॅक

First published on: 31-08-2023 at 21:07 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sunil chhetri little guest came to indian football captain sunil chhetris house wife sonam gave birth to a son avw

Sunil Chettri: गुड न्यूज! फुटबॉल संघाचा कर्णधार सुनील छेत्रीच्या घरी लहान पाहुण्याचं आगमन, पत्नी सोनमने दिला मुलाला जन्म

किंग्स कपसाठी भारतीय संघ