scorecardresearch

IND vs NZ: टीम इंडियाचा जादूगार! “तो आला, त्याने पाहिलं, विकेट्स घेतल्या अन् सामना फिरवला” रोहित शर्माने केले ‘या’ गोलंदाजाचे कौतुक

Rohit Sharma IND vs NZ: टीम इंडियाचा कर्णधार रोहित शर्माने न्यूझीलंडला का हरवू शकलो याचा खुलासा करत ब्रेक थ्रू देणाऱ्या मराठमोळ्या गोलंदाजाचे कौतुक केले आहे.

IND vs NZ: टीम इंडियाचा जादूगार! “तो आला, त्याने पाहिलं, विकेट्स घेतल्या अन् सामना फिरवला” रोहित शर्माने केले ‘या’ गोलंदाजाचे कौतुक
सौजन्य- बीसीसीआय (ट्विटर)

Rohit Sharma on Shardul Thakur: तीन सामन्यांच्या एकदिवसीय मालिकेत शेवटच्या सामन्यात भारताने न्यूझीलंडवर ९० धावांनी दणदणीत विजय मिळविला. यावर्षी रोहित शर्मा यांच्या नेतृत्वात भारतीय संघाने सलग दुसर्‍या एकदिवसीय मालिकेत विरोधी संघाला नेस्तनाबूत केले आहे. न्यूझीलंडविरुद्ध ३-०ने मालिका जिंकल्यानंतर संघाचा कर्णधार रोहित शर्माने शार्दूल ठाकूरचे कौतुक केले. त्याने अष्टपैलू वेगवान गोलंदाजी करणाऱ्या शार्दूल बाबतील एक खास रहस्य सांगितले आहे. कर्णधार म्हणाला की, संघातील सहकारी त्याला ‘जादूगार’ म्हणतात. कारण जेव्हा जेव्हा त्याला संधी मिळते तेव्हा तो नेहमीच बॅट आणि बॉलने योगदान देतो.

तिसऱ्या सामन्यानंतर प्रेझेंटेशनमध्ये जेव्हा रोहित शर्माला शार्दुल ठाकूरबद्दल विचारण्यात आले तेव्हा त्याने हसत उत्तर दिले. भारतीय कर्णधाराने सांगितले की, “शार्दुल ठाकूर दीर्घ काळापासून संघासाठी मधल्या षटकात ब्रेक थ्रू देण्याचे काम करत आहे, संघातील लोक त्याला जादूगार म्हणतात. अनेकवेळा तो येतो आणि योग्य वेळी विकेट घेतो. फक्त त्याला अधिकाधिक संधी देण्याची गरज आहे. पुढे बोलताना कर्णधार रोहित शर्मा म्हणाला, “आम्ही चांगली गोलंदाजी केली. आम्ही आमच्या योजनांवर ठाम राहिलो आणि धैर्य ठेवले. शार्दुलने यासाठी खूप  दिवसांपासून मेहनत करत आहे. संघातील सहकाऱ्यांनी त्याला जादूगार म्हटले आणि तो आला आणि त्याने पुन्हा आपले काम केले.”

रोहित शर्माने येथे इतर खेळाडूंबद्दलही बोलले आणि त्यांचे जोरदार कौतुक केले. शतकवीर शुभमन गिलबद्दल रोहित शर्मा म्हणाला की तो उत्कृष्ट फॉर्ममध्ये आहे आणि तरुण खेळाडूने ज्या पद्धतीने विचार केला पाहिजे त्याच पद्धतीने तो पुढे जात आहे. रोहित म्हणाला की तो प्रत्येक डावाला एक अध्याय म्हणून घेतो आणि पुढे जातो.

तो पुढे म्हणाला, “माझ्या मते गेल्या ६ सामन्यांमध्ये आम्ही बर्‍याच गोष्टी बरोबर केल्या आहेत आणि ५० षटकांच्या सामन्यात तेच आवश्यक आहे. आम्ही फलंदाजी आणि गोलंदाजीमध्ये सातत्य राखले. सिराज आणि शमीशिवाय आम्हाला इतर खेळाडूंना संधी द्यायची होती. आम्हाला चहल आणि मलिक यांना संघात ठेवायचे होते आणि त्यांना दबावाच्या परिस्थितीतून जाण्याची संधी द्यायची होती. आम्ही चांगली धावसंख्या केली होती पण तुम्ही या मैदानावर कोणताही स्कोअर सुरक्षित मानू शकत नाही.”

हेही वाचा: IND vs NZ 3rd ODI: रोहित-शुबमनची कमाल, शार्दूलची धमाल! भारताने किवींवर मिळवले निर्भेळ यश, ९० धावांनी जिंकला सामना

कर्णधार रोहित शर्माचा असा विश्वास आहे की तो महत्त्वाच्या विकेट्स घेऊन संघावरील दबाव कमी करतो. भारताच्या ३८६ धावांच्या लक्ष्याचा पाठलाग करताना डेव्हॉन कॉनवेने १०० चेंडूत १२ चौकार आणि आठ षटकारांसह केलेल्या कारकिर्दीतील सर्वोत्तम १३८ धावा आणि हेन्री निकोल्स (४२) सोबत दुसऱ्या विकेटसाठी १०६ धावांची खेळी करूनही न्यूझीलंडचा संघ अपयशी ठरला. ४ मध्ये २९५ धावा झाल्या. षटके भारताकडून शार्दुल ठाकूर आणि कुलदीपने ३-३ बळी घेतले. शार्दुलने डॅरिल मिशेल, न्यूझीलंडचा कर्णधार टॉम लॅथम आणि ग्लेन फिलिप्स यांची विकेट घेतली. त्याने ६ षटकात ४५ धावा दिल्या. त्याने बॅटनेही योगदान दिले. तिसऱ्या सामन्यात त्याने १७ चेंडूत २५ धावा केल्या.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 25-01-2023 at 11:00 IST

संबंधित बातम्या