विराट कोहलीच्या नेतृत्वाखाली भारतीय संघ नवीन वर्षात आव्हानासाठी सज्ज झालेला आहे. श्रीलंकेविरुद्ध मालिकेनंतर भारतीय संघासमोर ऑस्ट्रेलियाचं आव्हान असणार आहे. टीम इंडियाचा अष्टपैलू केदार जाधवची या मालिकेसाठी भारतीय संघात निवड करण्यात आलेली आहे. १४ जानेवारीपासून या मालिकेला सुरुवात होणार आहे. या मालिकेआधी बीसीसीआयने केदार जाधवच्या पुण्यातील अलिशान घराचा व्हिडीओ आपल्या सोशल मीडिया अकाऊंटवर शेअर केला आहे. श्रीलंकेविरुद्ध अखेरचा टी-२० सामना पुण्यातील गहुंजे मैदानावर होणार आहे, या पार्श्वभूमीवर बीसीसीआयने केदार जाधवच्या चाहत्यांसाठी ही खास पर्वणी दिली आहे. पाहा केदारच्या या अलिशान घराचा व्हिडीओ.. ऑस्ट्रेलियाविरुद्धच्या मालिकेसाठी टीम इंडिया - विराट कोहली, शिखर धवन, रोहित शर्मा, लोकेश राहुल, श्रेयस अय्यर, मनिष पांडे, ऋषभ पंत, केदार जाधव, शिवम दुबे, रवींद्र जडेजा, कुलदीप यादव, युजवेंद्र चहल, नवदीप सैनी, शार्दूल ठाकूर, जसप्रीत बुमराह.
