IND vs SL: विराट कोहलीने मोडला सचिन तेंडुलकर यांचा १६ वर्षे जुना विश्वविक्रम! तब्बल ‘इतक्या’ वेळा केल्या एका वर्षात १००० धावा

एका कॅलेंडर वर्षात सर्वात जास्त वेळा १००० धावा करण्याचा विक्रम –

एका कॅलेंडर वर्षात सर्वाधिक १००० धावा करण्याच्या बाबतीत सचिन तेंडुलकर पहिल्या क्रमांकावर होता. त्याने सात वेळा हा पराक्रम केला आहे. याशिवाय आता विराट कोहलीने एका कॅलेंडर वर्षात आठ वेळा एक हजारहून अधिक धावा करण्याचा पराक्रम केला आहे. आज श्रीलंकेविरुद्धच्या सामन्यात विराट कोहलीने या बाबतीत सचिन तेंडुलकरला मागे टाकले आहे. या वर्षी विराट कोहलीने आंतरराष्ट्रीय क्रिकेटमध्ये श्रीलंकेविरुद्धच्या सामन्यापूर्वी ९६६ धावा केल्या होत्या.

हेही वाचा – Rashid Latif: पाकिस्तान क्रिकेटमध्ये खळबळ, दिग्गज क्रिकेटपटूला ३० कोटींची कायदेशीर नोटीस, जाणून घ्या काय आहे प्रकरण?

आशिया कप २०२२ नंतर विराटने हरवलेला फॉर्म परत मिळवला आहे. त्याआधी विराट सुमारे अडीच वर्षे सतत फ्लॉप होत होता आणि एकही शतक त्याला झळकावता आले नाही, पण आता विराटच्या बॅट चांगली तळपत आहे. तो प्रत्येक सामन्यात धावा करत आहे. आज विराट कोहली ३४ धावा करत एकदिवसीय आंतरराष्ट्रीय क्रिकेटमध्ये एका कॅलेंडर वर्षात आठ वेळा १००० धावा करणारा जगातील एकमेव फलंदाज बनला आहे.

विराटने एक हजार धावा कधी-कधी केल्या?

वर्ष २०११: ३४ सामन्यांमध्ये ४७.६२च्या सरासरीने १३८१ धावा (४ शतके आणि ८ अर्धशतके)
वर्ष २०१२: १७ सामन्यात ६८.४०च्या सरासरीने १०२६ धावा (५ शतके आणि ३ अर्धशतके)
वर्ष २०१३: ३४ सामन्यात ५२.८३ च्या सरासरीने १२६८ धावा (४ शतके आणि ७ अर्धशतके)
वर्ष २०१४: २१ सामन्यांमध्ये ५८.५५ च्या सरासरीने १०५४ धावा (४ शतके आणि ५ अर्धशतके)
वर्ष २०१७: २६ सामन्यांमध्ये ७६.८४ च्या सरासरीने १४६० धावा (६ शतके आणि ७ अर्धशतके)
वर्ष २०१८: १४ सामन्यात १३३.५५ च्या सरासरीने १२०२ धावा (६ शतके आणि ३ अर्धशतके)
वर्ष २०१९: २६ सामन्यांमध्ये ५९.८६ च्या सरासरीने १३७७ धावा (५ शतके आणि ७ अर्धशतके)