IND vs ENG : टीम इंडियाला मोठा धक्का! इंग्लंडविरुद्धच्या कसोटी मालिकेतून विराट कोहली बाहेर Virat Kohli has withdrawn his name from the first two matches of the Test series against England

India vs England Test Series : हैदराबादमध्ये इंग्लंडविरुद्धची कसोटी मालिका सुरू होण्यापूर्वीच भारताला मोठा धक्का बसला आहे. विराट कोहलीने मालिकेतील पहिल्या दोन सामन्यातून आपले नाव मागे घेतले आहे.

India vs England Test Series Updates in marathi

इंग्लंडविरुद्धच्या कसोटी मालिकेतून विराट कोहलीने घेतली माघार (फोटो-बीसीसीआय एक्स)

Virat Kohli has withdrawn his name from the first two matches : भारतीय संघाला २५ जानेवारीपासून इंग्लंडविरुद्धच्या पाच कसोटी सामन्यांच्या मालिकेला सुरुवात होणार आहे. गुरुवारपासून हैदराबादच्या राजीव गांधी स्टेडियमवर पहिला सामना खेळवला जाणार आहे. या सामन्याच्या ३ दिवस आधी टीम इंडियाला मोठा झटका बसला आहे. भारताचा महान फलंदाज विराट कोहलीने पहिल्या दोन कसोटी सामन्यांमधून आपले नाव मागे घेतले आहे. याबाबत बीसीसीआयने माहिती दिली आहे.

विराटने नाव का मागे घेतले?

विराट कोहलीने आपले नाव का मागे घेतले याबाबत कोणतीही अधिकृत माहिती मिळालेली नाही. विराटने वैयक्तिक कारणांमुळे नाव मागे घेतल्याचे बीसीसीआयने आपल्या एक्स पोस्टमध्ये सांगितले आहे. टीम इंडियाचा संघ फक्त पहिल्या दोन कसोटी सामन्यांसाठी जाहीर करण्यात आला होता. आता विराटच्या जागी कोणत्या खेळाडूला संधी मिळणार हे येत्या काही दिवसात स्पष्ट होईल. त्याचबरोबर तिसर्‍या कसोटीत विराट पुनरागमन करतो की नाही, हेही पाहावे लागेल.

? NEWS ?

Virat Kohli withdraws from first two Tests against England citing personal reasons.

Details ? #TeamIndia | #INDvENGhttps://t.co/q1YfOczwWJ
— BCCI (@BCCI) January 22, 2024

विराटची जागा कोण घेणार?

बीसीसीआयने जारी केलेल्या निवेदनात विराट कोहलीने कर्णधार रोहित शर्मा आणि टीम इंडियाच्या व्यवस्थापनाशी चर्चा केल्याची माहिती देण्यात आली आहे. देशाचे प्रतिनिधित्व करणे हे त्याचे प्राधान्य असल्याचे विराटने सांगितले असल्याचे बोर्डाने म्हटले आहे. पण सध्या तो अशा वैयक्तिक परिस्थितीत आहे की त्याला माघार घ्यावी लागली. या कारणास्तव तो पहिल्या दोन कसोटींमधून बाहेर असेल. बोर्डाने मीडिया आणि चाहत्यांना विराटच्या गोपनीयतेकडे लक्ष देण्यास सांगितले आहे. बीसीसीआयने अद्याप बदलीची घोषणा केलेली नाही. पण तिलक वर्माची रणजीमधील कामगिरी लक्षात घेता तो टीम इंडियात सामील होऊ शकतो.

हेही वाचा – IND vs ENG : ‘विराटचा अहंकार…’, माँटी पानेसरने किंग कोहलीला आऊट करण्यासाठी इंग्लंडच्या खेळाडूंना दिला गुरुमंत्र

पहिल्या दोन कसोटींसाठी टीम इंडियाचा संघ –

रोहित शर्मा (कर्णधार), शुबमन गिल, यशस्वी जैस्वाल, श्रेयस अय्यर, केएल राहुल (यष्टीरक्षक), केएस भरत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, रवींद्र जडेजा, अक्षर पटेल, कुलदीप यादव, मोहम्मद सिराज, मुकेश कुमार, जसप्रीत बुमराह, आवेश खान.