उत्कंठापूर्ण लढतीत नेदरलँड्सच्या अनिष गिरीने माजी विश्वविजेत्या विश्वनाथन आनंदला बरोबरीत रोखले. या बरोबरीमुळे आनंदचे जागतिक आव्हानवीर बुद्धिबळ स्पर्धेत अव्वल स्थान घेण्याच्या आशा दुरावल्या आहेत. या स्पर्धेत विजेतेपद मिळविण्यासाठी आनंदला शेवटच्या दोन फेऱ्यांमध्ये विजय मिळविणे अनिवार्य होते. या बरोबरीनंतर तेराव्या फेरीअखेर आनंदचे सात गुण झाले आहेत. शेवटच्या फेरीत आनंदसमोर पीटर स्विडलरचे आव्हान आहे.