सध्या अनेकांच्या घरात एलईडी टीव्ही आहेत. सुस्पष्ट चित्र, ऊर्जाबचत आणि कमी जागा व्यापत असल्याने एलईडी टीव्हीला अनेकांची पसंती आहे. मात्र या टीव्हीची योग्य प्रकारे काळजी घेणेही आवश्यक आहे. * एलईडी टीव्ही शक्यतो भिंतीवर अडकवा. भिंतीवर अडकवताना मात्र तो घट्ट बसला आहे की नाही हे तपासून पाहा. घट्ट नसेल तर तो खाली पडण्याची शक्यता असते. * एलईडी टीव्हीवर साचलेली धूळ नियमित साफ करणे आवश्यक आहे. टीव्हीवर धुळीचे पुट्टे साचल्यास तो खराब होण्याची शक्यता असते. धुळीमुळे टीव्हीवरील चित्र अस्पष्ट दिसते. * मायक्रोफायबर कापडाचा वापर करून टीव्ही साफ करावा. अनेक जण वृत्तपत्र, अन्य कागद आणि जुन्या कापडाने टीव्ही पुसतात. ते चुकीचे आहे. * टीव्ही साफ करताना रासायनिक द्रव्याचा वापर करू नका. पाण्याचाही वापर शक्यतो करू नका. * अधिक वेळ टीव्ही चालू ठेवू नका. सतत टीव्ही चालू राहिल्यास तो खराब होऊ शकतो. * पावसाळय़ात विजांचा कडकडाट होत असेल, तर टीव्ही शक्यतो बंद ठेवावा. * टीव्ही बंद करताना थेट विद्युतपुरवठा बंद करू नये. आधी रिमोट कंट्रोलद्वारे टीव्ही बंद करावा आणि त्यानंतर वीजपुरवठा बंद करावा.