News Flash

किंमत फक्त 7,499 + 5000mAh बॅटरी, ‘स्वस्त’ स्मार्टफोनवर शानदार ऑफर्स

दरमहा 834 रुपये 'नो कॉस्ट ईएमआय'ची ऑफर, शानदार फोटोग्राफीसाठी कॅमेऱ्यामध्ये मिळेल AI फीचर

रिअलमी कंपनीचा कमी किंमतीत दमदार फीचर्स असलेला Realme C11 स्मार्टफोन खरेदी करण्याचा विचार असेल तर आज (दि.9) चांगली संधी आहे. रिअलमी कंपनीच्या Realme C11 या बजेट स्मार्टफोनसाठी पुन्हा एकदा फ्लॅश सेलचं आयोजन करण्यात आलं आहे. रिअलमीच्या अधिकृत वेबसाइट आणि ई-कॉमर्स कंपनी फ्लिपकार्टच्या वेबसाइटवर दुपारी 12 वाजेपासून सेलला सुरूवात होईल.

ऑफर्स :

सेलमध्ये ‘अ‍ॅक्सिस बँक बझ क्रेडिट कार्ड’द्वारे हा फोन खरेदी केल्यास 5 टक्के डिस्काउंट मिळेल. तर, ‘फ्लिपकार्ट अ‍ॅक्सिस बँक क्रेडिट कार्ड’द्वारे हा फोन करणाऱ्यांसाठीही 5 टक्के कॅशबॅकची ऑफर आहे. याशिवाय दरमहा 834 रुपये नो कॉस्ट ईएमआय आणि स्टँडर्ड ईएमआयचा पर्यायही ग्राहकांसाठी आहे.

Realme C11 फीचर्स : 

कंपनीचा हा लेटेस्ट स्मार्टफोन गेल्या महिन्यात मलेशियामध्ये लाँच करण्यात आला होता. या फोनचं वैशिष्ट्य म्हणजे यात मीडियाटेक हीलियो जी35 प्रोसेसर आणि 5000mAh क्षमतेची दमदार बॅटरी दिली आहे. शानदार फोटोग्राफीसाठी कॅमेऱ्यामध्ये AI फीचरही दिले आहे.  रियलमी सी11 मध्ये 6.5 इंच एचडी+ (720×1600 पिक्सल) मिनीड्रॉप डिस्प्ले आहे. प्रोटेक्शनसाठी कॉर्निंग गोरिल्ला ग्लास 3+ असून 2.3 गीगाहर्ट्ज़ ऑक्टा-कोर मीडियाटेक हीलियो जी35 प्रोसेसर दिले आहे. 2 जीबी रॅम आणि 32 जीबी स्टोरेज असलेल्या या फोनला मेमरी कार्डचाही सपोर्ट आहे. अँड्रॉइड 10 बेस्ड रिअलमी यूआयवर आधारित हा फोन ड्युअल-सिम कार्डला सपोर्ट करतो. या फोनच्या मागील बाजूला ड्युअल कॅमेरा सेटअप असून 13 मेगापिक्सलचा प्रायमरी तर, 2 मेगापिक्सलचा सेकंडरी सेन्सर आहे. याशिवाय सेल्फीसाठी 5 मेगापिक्सलचा फ्रंट कॅमेराही आहे. कॅमेऱ्यात AI ब्यूटी, फिल्टर मोड, एचडीआर, पोर्ट्रेट मोड आणि टाइमलॅप्स यांसारखे अनेक फीचर्स आहेत. तसेच, फास्ट चार्जिंगच्या सपोर्टसह 5000mAh क्षमतेची बॅटरी आहे. कनेक्टिव्हिटीसाठी फोनमध्ये 4जी एलटीई, वाय-फाय 802.11 बी/जी/एन, ब्लूटूथ 5.0, जीपीएस/ए-जीपीएस, माइक्रो-यूएसबी आणि 3.5 एमएम हेडफोन जॅक यांसारखे पर्याय आहेत.

Realme C11 किंमत : 

रिअलमी सी11 या नवीन फोनची किंमत 7,499 रुपये इतकी ठेवण्यात आली आहे. हा फोन रिच ग्रीन व रिच ग्रे अशा दोन कलरमध्ये उपलब्ध असेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 9, 2020 10:54 am

Web Title: realme c11 goes on sale in india via flipkart check offers price specifications sas 89
Next Stories
1 Jio नंतर आता Silver Lake ची रिलायन्स रिटेलमध्ये ७,५०० कोटींची गुंतवणूक
2 ‘टी-सीरिज’ने मित्रों-MX प्लेयरसारख्या अनेक सोशल मीडिया अ‍ॅप्सना पाठवली नोटीस, कॉपीराइट उल्लंघनाचा आरोप
3 PUBG Mobile खेळण्यासाठी 15 वर्षांच्या नातवाने आजोबांचं पेन्शन अकाउंट केलं रिकामं, उडवले 2.34 लाख रुपये
Just Now!
X