Bhau Beej 2024 : ‘भाऊबीज’ सण महाराष्ट्रासह विविध राज्यांमध्ये ‘या’ नावांनी केला जातो साजरा

१) महाराष्ट्र

महाराष्ट्र, कर्नाटक आणि गोव्यात मराठी आणि कोकणी भाषिक समुदायांमध्ये हा सण भाऊबीज, भाव बीज किंवा भाई बीज या नावाने ओळखला जातो. महाराष्ट्रात भाऊबीजेच्या दिवशी भावाला रंगोळी काढून सजवलेल्या चौकोनी पाटावर बसले जाते. यानंतर त्याचे औक्षण करुन त्याला गोडधोड भरवले जाते. अशाप्रकारे त्याच्या दीर्घायुष्य व उत्तम आरोग्यासाठी प्रार्थना केली जाते. यावेळी बहिण भावाला आणि भाऊ बहिणीला गिफ्ट्स देतो.

२) बिहार

भाऊबीजेच्या दिवशी बिहारमध्ये एक अनोखी परंपरा पाळली जाते. या दिवशी बहिणी भावाला फटकारतात आणि चांगले वाईट बोलतात नंतर माफी मागतात. भावांनी भूतकाळात केलेल्या चुका सुधारण्यासाठी ही परंपरा पाळली जाते. यानंतर बहिणी भावाला औक्षण करुन मिठाई भरवतात.

३) उत्तर प्रदेश

उत्तर प्रदेशात हा सण ‘भाई दूज’ नावाने ओळखला जातो. यानिमित्ताने बहीण भावाचे औक्षण करुन साखरेचे बत्तासे खाऊ घालते. उत्तर प्रदेशात भाऊबीजेला सुक खोबरं देण्याची परंपरा आहे.

४) पश्चिम बंगाल

पश्चिम बंगालमध्ये भाऊबीज हा सण ‘भाई फोटा’ या नावाने ओळखला जातो. या दिवशी बहिणी भावासाठी उपवास ठेवतात. भावाचे औक्षण करु मग उपवास सोडतात. औक्षणानंतर भाऊ बहिणीला भेटवस्तू देतो.

५) नेपाळ

नेपाळमध्ये ‘भाई तिहार’ म्हणून प्रसिद्ध आहे. तिहार म्हणजे कपाळावर लावला जाणारा कुंकवाचा टिका. याठिकाणी भाऊबीज भाई टिका नावाने साजरा करतात.