scorecardresearch

ई-सिगारेट देतेय् अनेक आजारांना आमंत्रण; आजच सोडा, अन्यथा होतील मोठे दुष्परिणाम…

इलेक्ट्रॉनिक सिगारेट, ज्याला सामान्यतः ई-सिगारेट देखील म्हटले जाते, विशेषत: तरुणांमध्ये, त्याचा छंद खूप वाढला आहे, परंतु हे व्यसन त्यांचे आंतरिक नुकसान करते.

ई-सिगारेट देतेय् अनेक आजारांना आमंत्रण; आजच सोडा, अन्यथा होतील मोठे दुष्परिणाम…
(Pic Credit-pixabay)

अनेकांना धूम्रपान करण्याची सवय असते. इलेक्ट्रॉनिक सिगारेट, ज्याला सामान्यतः ई-सिगारेट देखील म्हटले जाते, विशेषत: तरुणांमध्ये, त्याचा छंद खूप वाढला आहे, परंतु हे व्यसन त्यांचे आंतरिक नुकसान करते. २०१९ मध्ये भारत सरकारने या वस्तूचे उत्पादन, आयात, निर्यात, वितरण, साठवण आणि जाहिरातीवर पूर्णपणे बंदी घातली होती, त्याला ई-सिगारेट प्रतिबंध कायदा २०१९ असे म्हणतात. मात्र, असे असूनही, त्याचा पुरवठा आणि वापर आजही भारतात मोठ्या प्रमाणात सुरु आहे.

ई-सिगारेट म्हणजे नेमकं काय?

ई-सिगारेट म्हणजेच इलेक्ट्रॉनिक सिगारेट हे बॅटरीवर चालणारे छोटे उपकरण आहे. श्वास आत घेताना या यंत्राद्वारे निकोटीनसारख्या तंबाखूजन्य पदार्थांचे सेवन केले जाते. यामध्ये वापरले जाणारे द्रव आरोग्यासाठी अजिबात चांगले नाही. ई-सिगारेटमधून राख तयार होत नाही. ई-सिगारेटच्या टोकाला एलईडी लाइट असतो. सिगारेट ओढताना जळणाऱ्या खऱ्या सिगारेटप्रमाणे तो लाइट प्रकाशमान होतो. खऱ्या सिगारेटसारखा धूर येत असल्याने सिगारेटचे व्यसन सोडण्यासाठी प्रयत्न करणाऱ्यांना ई-सिगारेटचा पर्याय दिला जातो. ई-सिगारेटमुळे दातांवर काळे पडत नाही. ई-सिगारेटचा आकार व बाह्यस्वरूप अत्यंत आकर्षक असते. अनेकदा हा आकार खऱ्या सिगारेटसारखा केला जातो. त्यामुळे तरुणाई याकडे मोठ्या प्रमाणावर आकर्षित होत असते.

आणखी वाचा : तुम्ही देखील तुमच्या गरजेपेक्षा जास्त व्हिटॅमिन डी चे सेवन करताय? यामुळे शरीरावर होणारे ४ दुष्परिणाम जाणून घ्या

ई-सिगारेट शरीरासाठी अतिशय नुकसानदायक  

  • तंबाखू सेवनाने होणारे आजारच ‘ई-सिगारेट’मुळे होतात. कॅन्सर, हृदयविकार, रक्तवाहिन्यांचे आजार, फुफ्फुसाचे आजार (सीओपीडी), दमा, अस्थमा, किडनी खराब होणे, अॅसेडिटी, आतड्यांचे आजार, कॅन्सर आदी आजार ‘ई-सिगारेट’मुळे होऊ शकतात.
  • ई-सिगारेट पिणारे आणि आजूबाजूचे लोक दोघांचेही नुकसान करतात. यामुळे श्वास घेण्यास त्रास होतो.
  • ई-सिगारेटमध्ये कार्सिनोजेनिक घटक आढळतात, जे मानवांसाठी कोणत्याही ‘विषारा’ पेक्षा कमी नाहीत, जगभरातील शास्त्रज्ञांनी ते न पिण्याचा सल्ला दिला आहे.
  • ई-सिगारेटमध्ये निकोटीन असते, ज्याचा थेट परिणाम मेंदूवर होतो आणि जर कोणी त्याचा सतत वापर करत असेल तर त्याचे वाईट व्यसनात रूपांतर होते.
  • ई-सिगारेट पिण्याचा परिणाम आपल्या फुफ्फुसावर होतो आणि त्यामुळे मृत्यू देखील होऊ शकतो.

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

संबंधित बातम्या