पुरुषांनो, घरात घातली जाणारी एक शॉर्ट्स, किती दिवस वापरता ? डॉक्टरांनी सांगितलेला धोका एकदा वाचाच

डॉ. शोभा गुप्ता सांगतात की, पुरुषांनी अंतर्वस्त्र रोजच्या रोज धुतली पाहिजेत. भारतात स्वच्छता ही मोठी समस्या आहे. विशेषत: कपडे आणि अंतर्वस्त्रांचा विचार केला तर स्थिती खूपच भयानक आहे. अनेक लोक कपडे आणि अंतर्वस्त्रांबाबत स्वच्छतेकडे दुर्लक्ष करत असल्याचे समोर आलंय. बरेच जण असे आहेत, जे अंडरवेअर दोनदा घातल्यानंतरच धुतात. मात्र, याचे गंभीर परिणाम होऊ शकतात.त्यामुळे हा गांभीर्याने घेण्यासारखा विषय आहे.

“आपले शरीर घाम आणि तेल तयार करते आणि दिवसभर मृत त्वचेच्या पेशी बाहेर टाकते, हे सारे आपल्या कपड्यांमध्ये जमा होते. त्यामुळे रोजच्या रोज न धुतलेल्या शॉर्ट्स किंवा बॉक्सर यामध्ये बॅक्टेरिया आणि बुरशी येऊ शकते. त्यामुळे पुरळ आणि त्वचाविकारही होऊ शकतो,” असे डॉ. गुप्ता सांगतात. दररोज अंतर्वस्त्र मग ती शॉर्ट्स असेल किंवा बॉक्सर असेल किंवा अंडरवेअर असेल, बदलल्याने स्वच्छता राखण्यास मदत होते, चिडचिड कमी होते आणि बॅक्टेरियाच्या संसर्गासारख्या परिस्थितीचा धोका कमी होतो. नियमितपणे कपडे बदलणे, चांगल्या दर्जाच्या डिटर्जंटने धुणे आणि अंघोळ करताना साबण आणि जंतुनाशक वापरणे यांसारख्या सवयी दररोज पाळल्या पाहिजेत, यावर डॉ. गुप्ता यांनी भर दिला. “व्यक्तिगत स्वच्छता आपल्या आरोग्यासाठी तसेच आजूबाजूच्या लोकांसाठीही अत्यंत महत्त्वाची आहे,” असे डॉ. गुप्ता यांनी सांगितले.

अंतर्वस्त्र धुताना कोणती काळजी घ्यावी ?

अंतर्वस्त्र धुतानादेखील काही काळजी घेणे गरजेचे आहे. अंतर्वस्त्रासाठी सुगंधी डिटर्जंट पावडर वापरणे टाळायला हवे. कारण अशा डिटर्जंटमुळे चट्टे तसेच अ‌ॅलर्जी होण्याची शक्यता असते, त्यामुळे हायपो ॲलर्जेनिक डिटर्जंट वापरावे. अंतर्वस्त्रांना ड्रायरमध्ये ठेवू नये, कारण ड्रायरमध्ये अंतर्वस्त्र खराब होण्याची शक्यता असते.